Tanzaniyanın Zanzibar arxipelaqının Pemba adasında zəhərli tısbağa əti yeyən 7 nəfər ölüb. 

“Qafqazinfo” xarici KİV-ə istinadən xəbər verir ki, ümumilikdə 38 nəfər tısbağa ətindən zəhərlənib, onlardan 3-nün vəziyyəti ağırdır.

Zanzibar prezidenti Hüseyn Əli Mvinyi həlak olanların ailələrinə başsağlığı verib.

Qeyd edək ki, tısbağa ətinin adətən zəhərli olmamasına baxmayaraq, vaxtaşırı ağır formada belə halları qeydə alınır. Bunu adətən tısbağaların yediyi yosunlarla əlaqələndirirlər.