Qubanın kənd kitabxanalarında korrupsioner axtarışı…
Qubanın kənd kitabxanalarında korrupsioner axtarışı…
Cənab nazir Anar Kərimovun münasibət bildirməsini gözləyiik…
Məlumat üçün qeyd edək ki, Quba rayonunun kənd və qəsəbələrində 86 kitabxana filialı faəliyyət göstərir.
Quba şəhərindəki kitabxana da daxil olmaqla bu 86 kitabxana Quba rayon Mərkəzləşdirlmiş Kitabxana Sistemində ( MKS ) birləşdirilib. Və MKS-nin direktoru Saməddin Nəsirovdur.
Onu da qeyd edək ki, MKS Quba mədəniyyət şöbəsinə ( şöbə müdiri Fuad Orucov ) və Xaçmaz Regional Mədəniyyət İdarəsinə tabedir.
Bir il əvvəl mədəniyyət naziri Anar Kərimovun əmri ilə Vüsal Hüseynov Xaçmaz Regional Mədəniyyət İdarəsinin rəisi vəzifəsinə təyin olunub.
O, bu təyinata qədər Əmək və Əhalinin Sosial Müdafiəsi Nazirliyinin Dövlət Sosial Müdafiə Fondunun Quba Rayon Şöbəsinin rəisi vəzifəsində işləyib.
NUH.az-a daxil olan məlumata görə, MKS-in direktoru Saməddin Nəsirov kənd və qəsəbə kitabxalarında korrupsiya ilə mübarizə adı altında 20 nəfər kitabxanaçını işdən azad edib. Daha doğrusu, cənab Saməddin Nəsirov iki qohumun eyni kitabxanada işləməsinin guya “ Korrupsiyaya qarşı mübarizə haqqında” Azərbaycan Respublikasının Qanununa zidd olduğunu əsas gətirərək işçilərə məcburi ərizə yazdıraraq onları işdən azad edib.
Birincisi, kənd kitabxana filialında hansı korrupsiyadan danışmaq olar..?
İkincisi, Bakıda nazirliklərin çoxunda yaxın qohumlar, hətta eyni ailənin üzvləri bir qurumda çalışdığı halda kənd kitabxanasında çalışan şəxslərin uzaq qohum olmasının korrupsiyaya nə dəxli ola bilər..?
Görünür, MKS-nin direktoru cənab Saməddin Nəsirov kitabxanaçıları işdən azad edərək yenilərini işə qəbul etməklə “qaz vurub qazan doldurmaq” eşqinə dşüb. Və bunu “Korrupsiya qanunu” ilə əsaslandırıb.
NUH.az-a daxil olan məlumatdan o da bəlli olur ki, Saməddin Nəsirov kitabxanaçılara hədə-qorxu gələrək deyib ki, əgər ərizə yazmasanız, “Korrupsiya qanunu”nu pozduğunuza görə, indiyədək aldığınız əmək haqqı geri alınacaqdır.
İşdən qanusuz çıxarılan kitabxanaçılardan biri məhkəməyə müraciət edərək işinə bərpa oluna bilib.
Görəsən, Saməddin Nəsirovun bu əməllərindən mədəniyyət naziri cənab Anar Kərimovun və Xaçmaz Regional Mədəniyyət İdarəsinin rəisi cənab Vüsal Hüseynovun xəbəri varmı..?
“ Korrupsiyaya qarşı mübarizə haqqında” Azərbaycan Respublikasının Qanununun məluma maddəsini cənab nazir Anar Kərimovun və MKS-nin direktoru Saməddin Nəsirovun yadına salırıq:
Maddə 7. Yaxın qohumların birgə işləməsinə yol verilməməsi
7.1.Vəzifəli şəxslərin yaxın qohumları, seçkili vəzifələr və qanunvericiliklə nəzərdə tutulan digər hallar istisna olmaqla, bilavasitə onun tabeliyində olan heç bir vəzifə tuta
bilməzlər.
7.2.Bu Qanunun 7.1-ci maddəsinin tələblərini pozan şəxslər həmin tələblərin pozulması müəyyən edildikdən sonra 30 gün müddətində həmin pozuntunu könüllü olaraq aradan qaldırmadıqları halda tabeliyi istisna edən başqa vəzifəyə keçirilməli, bu mümkün olmadıqda isə həmin şəxslərdən biri tutduğu vəzifədən azad olunmalıdır.
Cənab nazir Anar Kərimov !
Bu qanunun Qubanın kəndlərində çalışan və uzaq qohum olan kitabxanaçılara nə aidiyyəti var..?
NUH.az olaraq məsələni sonadək gündəmdə saxlayacağıq və cənab nazirdən münasibət bildirməsini gözləyirik.