Dərc edilib: 21-10-2022

https://www.nuh.az/32419-.html

İlham Əliyev Binəli Yıldırıma baş çəkdi - Fotolar

21.10.2022 12:45:35

Siyasət

Oktyabrın 21-də Prezident İlham Əliyev Mərkəzi Klinik Xəstəxanasına gələrək ölkəmizdə səfərdə olarkən yol qəzası keçirən Türkiyənin Ədalət və İnkişaf Partiyası sədrinin müavini Binəli Yıldırıma, millət vəkili Şamil Ayrıma və mühafizəçi Oğuzhan Dəmirçiyə baş çəkib. 


“Qafqazinfo” xəbər verir ki, dövlət başçısı xəsarət alanlarla söhbət edib, onların tezliklə sağalmalarını arzulayıb.

Binəli Yıldırım, Şamil Ayrım və Oğuzhan Dəmirçi də öz növbəsində qəza yerindən operativ olaraq helikopterlə Bakıya xəstəxanaya çatdırılmalarına və onların dərhal tibbi müayinədən keçirilərək müalicə almalarına görə dövlət başçısına və tibb heyətinə dərin minnətdarlıqlarını bildiriblər.

 




NUH informasiya agentliyi səhifəsindən çap edilib