Dərc edilib: 29-11-2022

https://www.nuh.az/32914-.html

Həbsdə olan generalın səhhəti pisləşdi

29.11.2022 11:03:17

LIVE

Bu ilin martında həbs edilən Müdafiə Nazirliyinin (MN) general-mayoru Nizami Məmmədovun səhhəti pisləşib.

Bu barədə “Qafqazinfo”ya onun vəkili Rəşad Mirmehdizadə məlumat verib.

MN-in Maliyyə və Büdcə İdarəsinin sabiq rəisi olan N.Məmmədov dünən saxlanıldığı təcridxanadan Penitensiar Xidmətin müalicə müəssisəsinə köçürülüb. Onun ürək-damar sistemində problemlər olduğu bildirilir.

Qeyd edək ki, N.Məmmədov Dövlət Təhlükəsizliyi Xidmətinin (DTX) keçirdiyi əməliyyatla saxlanılıb. 50 yaşlı general doqquz aydır ki, həbsdədir. O, külli miqdarda mənimsəmədə təqsirləndirilir.

NUH informasiya agentliyi səhifəsindən çap edilib