Almaniya polisi ifrat sağçı “Reyxsbürgerlər” (“Reyx vətəndaşları”) hərəkatına qarşı geniş əməliyyat keçirib.

  “Qafqazinfo” “Associated Press” agentliyinə istinadən xəbər verir ki, hərəkat üzvləri dövlət çevrilişi məqsədilə Almaniya parlamentinin binasına hücum etməyə hazırlıqda şübhəli bilinirlər. Əməliyyat zamanı 25 nəfər saxlanılıb. Əməliyyatda təqribən 3 min polis əməkdaşı iştirak edib. Saxlanılanlar arasında bir Rusiya vətəndaşı da var.