Bakı metrosunda faciəvi hadisə - MAŞİNİST sükan arxasında ÖLDÜ
“Bakı Metropoliteni” QSC-nin maşinisti qəfil vəfat edib.
“Qafqazinfo”nun əldə etdiyi məlumata görə, yanvarın 22-si saat 03:00 radələrində QSC-də motovoz maşinisti işləyən 1958-ci il təvəllüdlü Kərimli Aydın Yusif oğlu “Avtovağzal metrostansiyası”nın 98-ci piketində 12327 nömrəli təsərrüfat qatarını idarə edən zaman qəfildən halı pisləşib. O, sükan arxasında dünyasını dəyişib.
Hadisə nəticəsində qatarın hərəkətində hər hansı problem yaranmayıb.
Faktla bağlı araşdırma aparılır.
***
“Bakı Metropoliteni” QSC-nin mətbuat katibi Bəxtiyar Məmmədov “Qafqazinfo”nun sorğusuna cavab olaraq bildirib ki, gecə maşinist köməkçisinin dispetçerə məlumatı əsasında dərhal təcili tibbi yardım dəvət edilib:
"Aidiyyəti strukturlara və maşinistin ailəsinə məlumat verilib. Metropolitenin gecə iş rejimi ilə bağlı hər hansısa problem yaşanmayıb. Hazırda məsələ ilə bağlı aidiyyəti strukturlar müvafiq iş aparır".