“Yanvarda zəlzələ haqda xəbərdarlıq almışdılar” - Şahinin anası
Türkiyədə zəlzələ nəticəsində dağıntılar altında qalan dörd azərbaycanlı tələbədən biri - Şahin Verdiyevin anası Esmira Hüseynova “Bizimləsən” verilişində qonaq olub.
“Qafqazinfo” xəbər verir ki, o, oğlu ilə sonuncu dəfə zəlzələdən bir neçə saat əvvəl danışıb: “Dostları ilə evdə idilər. Zəlzələdən sonra bir xəbər ala bilməmişik”.
E. Hüseynova, həmçinin bildirib ki, oğlu ona hələ yanvar ayında zəlzələ olacağı barədə xəbərdarlıq aldıqlarını demişdi.
Xatırladaq ki, fevralın 6-da Türkiyənin Kahramanmaraş vilayətində 7,7 və 7,6 bal gücündə iki zəlzələ baş verib. Dağıntı altında qalan S.Quliyev, Ş.Verdiyev, H.İsmayıllı və G.Nəzərzadə Malatyadakı İnönü Universitetinin tələbələridir.