ABŞ-ın keçmiş prezidenti Bill Klinton bildirib ki, 1994-cü ildə Budapeşt Memorandumunu imzalayarkən Ukraynanı nüvə silahından imtina etməyə inandırdığına təəssüflənir.

APA-nın xəbərinə görə, Klinton bunu İrlandiyanın RTE telekanalına müsahibəsində deyib.

“Bu işdə bilavasitə iştirak etmişəm. Onları (Ukrayna) nüvə silahından imtina etməyə razılaşdırdım”, - Klinton iddia edir.

Amerikanın keçmiş prezidenti hesab edir ki, Ukraynanın nüvə silahı olsaydı, Rusiya müharibəyə başlamazdı.