Bu gün İran ərəb separatçı qruplaşmasına rəhbərlik etməkdə ittiham olan İsveç-İran ikili vətəndaşlığı olan Həbib Şaabı edam edib.

“Qafqazinfo” xəbər verir ki, bu barədə məlumatı İranın “IRIB” teleşirkəti yayıb. 

Şaabın rəhbərlik etdiyi qruplaşmanın 2018-ci ildə hərbi parada hücum da daxil olmaqla, bır sıra insidentlərdə və terror aktlarında iştirak etdiyi bildirilir. Sözügedən parada hücum zamanı 25 nəfər həlak olub. Ümumilikdə isə qruplaşmanın fəaliyyəti nəticəsində 450-dən çox İran vətəndaşının öldüyü və yaxud yaralandığı qeyd olunub.