79 yaşında 7-ci dəfə ata oldu
Məşhur amerikalı kinoaktyor, 79 yaşlı Robert De Nironun 7-ci dəfə ata olduğu bildirilib.
“Qafqazinfo” xarici KİV-ə istinadən xəbər verir ki, Oskar mükafatlı aktyorun nümayəndəsi onun 7-ci övladının doğulduğunu təsdiqləyib.
De Niro-nun yeni doğulan uşağının adı, cinsi və anası da daxil olmaqla, doğumla bağlı başqa təfərrüatlar paylaşılmayıb.
“PageSix” nəşrinin məlumatına görə, uşağın anası De Nironun 2015-ci ildə “The Intern” filmində tanış olduğu və o vaxtdan bəri görüşdüyü Tiffani Çendir.
Qeyd edək ki, De Nironun 1976-1988-ci illərdə evləndiyi birinci həyat yoldaşı Diahnne Abbottdan 51 və 46 yaşlarında iki övladı, 1988-1996-cı illərdə birlikdə yaşadığı Tuki Smitdən 27 yaşlarında əkizi və 1997-ci ildə evləndiyi ikinci həyat yoldaşından 24 və 11 yaşında iki övladı var.