Bu ilin mart ayından bəri artıq 28 partiya fəaliyyətini dayandırdığını elan edib. Bununla da 59 partiyadan 31-i hələ də siyasi arenada qalmağa davam edir. Onlardan bəzilərinin də buraxılan partiyalarla oxşar aqibəti yaşayacağı gözlənilir.

Maraqlıdır ki, buraxılan partiyaların əksəriyyəti son bəyanatlarında "Siyasi partiyalar haqqında” qanunun tələblərinə cavab verə bilmədikləri üçün bu addımı atdıqlarını da gizlətməyiblər.

Bizim.Media bu il ərzində özünü buraxdığını elan edən partiyaların siyahısını təqdim edir:

 

Siyasi partiyalar haqqında qanunvericiliyin pozulmasına görə YENİ CƏRİMƏLƏR  

Azərbaycan Naminə Alyans Partiyası

İlk olaraq, martın 2-də özünü buraxan partiya Abutalıb Səmədovun sədr olduğu Azərbaycan Naminə Alyans Partiyası oldu. ANAP 17 noyabr 1994-cü ildə təsis edilib. 

Təkamül Partiyası 

Azərbaycan Təkamül Partiyası martın 9-da fəaliyyətinə xitam verib. Teyyub Qənioğlunun sədri olduğu partiya 1995-ci ildə yaradılıb. 

Azərbaycan Birlik Partiyası

Azərbaycan Birlik Partiyası da martın 9-da siyasi fəaliyyətinə son qoyub. 1992-ci ildə qeydiyyata alınan partiyanın sədri Xudu Xudiyev idi. 

Milli Vəhdət Partiyası

Yunus Oğuzun sədr olduğu Milli Vəhdət Partiyası martın 13-də fəaliyyətinə son qoyub. Partiya 2002-ci ildən fəaliyyət göstərirdi. 

Azad Respublikaçılar Partiyası

Martın 14-də isə Azərbaycan Azad Respublikaçılar Partiyası da bağlandığını bəyan edib. Sədri Kamil Seyidov idi. 

Azərbaycan Respublikaçılar Partiyası

Aprelin 9-da Sübut Əsədovun rəhbəri olduğu Azərbaycan Respublikaçılar Partiyası da fəaliyyətinə son verdi. Partiya 1999-cu ildə təsis edilib. 

Sosial Rifah Partiyası 

Azərbaycan Sosial Rifah Partiyası martın 23-də siyasi səhnədən getdiyini bəyan edib. 1995-ci ildə qeydiyyata alınan partiyanın ilk sədri Xanhüseyn Kazımlı olub. Sonrakı sədri isə qızı Əsli Kazımlı sədr olub. 

Liberal Demokrat Partiyası 

Azərbaycan Liberal Demokrat Partiyası aprelin 1-də fəaliyyətinə xitam verib. 1999-ci ildə yaranan partiyanın sədri Fuad Əliyev idi. 

Sosial Demokrat Partiyası

ASDP aprelin 4-dən fəaliyyətini dayandırıb. 1990-cı ildə təsis edilən ASDP-nin sədri Araz Əlizadənin vəfatından sonra təşkilat rəhbərsiz qalmışdı.  

Vahid Kommunist Partiyası

Aprel 4-də Azərbaycan Vahid Kommunist Partiyası da siyasi fəaliyyətinə son verib. 1995-ci ildə qeydiyyata alınıb. 2019-cu ildə Musa Tukanovun vəfatından sonra partiya sədrsiz qalmışdı.

Müstəqil Azərbaycan Partiyası

MAP-ın fəaliyətinə aprel 6-da xitam verilib. 

Yeni Yol Partiyası

Aprelin 8-də Yeni Yol Partiyası da siyasi səhnədən getdiyini bildirir. Sədri Ramil Hüseynov olan bu partiya 2022-ci ilin avqustunda qeydiyyata alınıb. 

Milli Demokrat Partiyası

Aprelin 12-də AMDP da bağlanır. Sədri Tufan Kərim idi. Partiya Bozqurd Partiyası adı ilə 1992-ci ildə yaradılıb. 1995-ci ildən isə AMDP kimi fəaliyyət göstərirdi. 

Aydınlar Partiyası

Aprelin 14-də Qulanhüseyn Əlibəylinin rəhbəri olduğu Aydınlar Partiyası fəaliyyətinə son verib. Partiya 2008-ci ildə təsis edilib. 

Müstəqil Xalq Partiyası

Aprelin 18-də Müstəqil Xalq Partiyası da öz fəaliyyətinə xitam verib. Sədri Əflan İbrahimov partiya 2020-ci ildə qeydiyyatdan keçib. 

Qorqud Partiyası

Qorqud Partiyasının sədri Firudin Kərimov idi. Partiya 1993-cü ildən bəri fəaliyyət göstərirdi.

Vahid Azərbaycan Milli Birlik Partiyası

Aprelin 27-də VAMBP da özünü buraxır. 1993-cü ildə dövlət qeydiyyatına alınan partiyaya istiqlalçı deputat Hacıbaba Əzimov rəhbərlik edirdi. 

Azərbaycan Tərəqqi Partiyası 

Aprelin 29-da Azərbaycan Tərəqqi Partiyası fəaliyyətini dayandırmaqla bağlı bəyanat yayıb. ATP 2 fevral 1999-cu il tarixində Çingiz Sadıxovun (Dəmiroğlu) rəhbərliyi ilə təsis edilib. 

Azərbaycan Kommunist Partiyası

AKP mayın 4-də fəaliyyətini dayandırıb. Partiya 1993-cü ildə təsis edilib. 

Milli Konqres Partiyası

Mayın 11-də, mərhum İxtiyar Şirinovun sədrlik etdiyi, 1998-ci ildən fəaliyyət göstərən Milli Konqres Partiyası da fəaliyyətinə xitam verir. 

Azərbaycan Vətənpərvərlər Partiyası

Mayın 12-də Azərbaycan Vətənpərvərlər Partiyası özünü buraxdığını elan edib. Partiya 1994-cü ildə dövlət qeydiyyatına alınıb. Sədri Elvin Mahmudzadə olub. 

Vətəndaş Birliyi Partiyası

Mayın 22-də deputat Sabir Hacıyevin sədri olduğu VBP-də siyasi səhnədən getdiyini bəyan edib. Qurucusu Ayaz Mütəllibovun olduğu partiya 1999-cu ildə qeydiyyata alınıb. 

Milli Demokrat-İdrak Partiyası

İyunun 5-də Milli Demokrat-İdrak Partiyası fəaliyyətinə son verib. 1992-ci ilin avqustunda yaranan partiyanın sədri Osman Əfəndi olub. 

Milli Həmrəylik Partiyası 

İyunun 9-da MHP fəaliyyətinə son verdiyi barədə bəyanat yayıb. Partiya 1993-cü ildə dövlət qeydiyyatına alınıb, sədri Əlisahib Hüseynov olub. MHP özünü 1992-ci ildə yaradılmış Demokratik Azərbaycan Dünyası Partiyasının hüquqi varisi hesab edirdi.

Cümhuriyyət Xalq Partiyası 

22 iyunda CXP-nin fəaliyyətinə xitam verilir. Sədri Bədrəddin Quliyev olan partiya 2010-cu ildə təsis edilmişdi.  

Azərbaycan Yüksəliş Partiyası

AYP iyunun 23-də fəaliyyətinə son qoyur. 2020-ci ilin iyununda yaranan partiyanın sədri Anar Əsədli olub. 

Azərbaycan Liberal Partiyası

24 iyun tarixində ALP də özünü buraxır. Sədri Əvəz Temirxan olan partiya 1995-ci ilin iyunundan siyasi fəaliyyət göstərirdi. Partiyanın qurucusu Lalə Şövkət olub. 

Vətəndaş və İnkişaf Partiyası 

25 iyunda VİP siyasi fəaliyyətinə son qoyur. 28 may 2006-cı ildə yaranan və 10 avqust 2008-ci ildə qeydiyyata alınan partiyanın sədri Əli Əliyev idi.