Bu gün Malatyada baş vermiş zəlzələ nəticəsində indiyə qədər Battalgazi rayonunda 1 tərk edilmiş bina dağılıb. 

"Report" xəbər verir ki, bu barədə Malatya valisi Hulusi Şahin NTV-nin canlı yayımına telefonla bağlanaraq bildirib.

"İndiyə qədər Battalgazi rayonunda 1 tərk edilmiş bina dağılıb. Küçədə yoldan keçən bir uşaq ayağını sındırıb. O, xəstəxanaya aparılıb. Bir neçə dəfə eyvandan tullanma faktı var”, - deyə o qeyd edib.

***

Malatyanın Yeşilyurt rayonunda 5,3 maqnitudalı zəlzələ baş verib.

Metbuat.az "CNN"ə istinadən xəbər verir ki, dağıntı və tələfat barədə məlumat yoxdur. AFAD-dan verilən son məlumata görə, zəlzələ yerin 7 km dərinliyində olub.

Malatya ilə yanaşı təbii fəlakət Şanlıurfa, Elazığ, Kahramanmaraş, Qaziantepdə də hiss edilib.