Xocavənd şəhərində erməni terrorçu Monte Melkonyanın abidəsi sökülüb. 

“Qafqazinfo” xəbər verir ki, bunu əks etdirən görüntülər sosial şəbəkələrdə yayılıb.

Qeyd edək ki, M. Melkonyan 1957-ci il noyabrın 25-də ABŞ-də anadan olub. O, Türkiyə ordusuna qarşı PKK-nın həyata keçirdiyi əməliyyatlarda iştrak edib. ASALA terror təşkilatının ASALA-RM (revolutionary movement) qanadının qurucusudur.

Azərbaycanın Xocavənd rayonunun işğalı zamanı Ermənistan ön cəbhə dəstələrinin birinin komandiri olub. O, Xocalı soyqırımında əsir düşmüş azərbaycanlılara işgəncə verilməsində çox aktiv iştirak edib.