Türkiyənin dəyişməz gündəmi olan zəlzələlərlə bağlı hər gün ayrı-ayrı xəbərdarlıqlar gəlir. Fevralın 6-na keçən gecə böyük fəlakətin yaşandığı 11 vilayətin ardından Bursa da baş verən zəlzələ hər kəsin diqqətini yenidən zəlzələ mütəxəssislərinə yönəldib.

Musavat.com xəbər verir ki, məşhur seysmoloq Naci Görür Kafa TV-yə açıqlamasında bu dəfə 18 vilayətlə bağlı xəbərdarlıq edib.

"Təəssüf edirəm ki, bu vilayətlərin taleyi Maraş və Hatay kimi olacaq", - deyə professor bildirib.

Bəs hansı əyalətlər fay xətti üzərindədir?

N.Görür onları bir-bir sadalayıb - Əskişəhər, Dənizli, Muğla, Ərzincan, Kayseri, Tokat, Kahramanmaraş, Hatay, Kocaeli, Osmaniye, Bingöl, Konya, Ərzurum, Aydın, Balıkəsir, Burdur, Manisa, Hakkari.

"Bu vilayətlər bilavasitə fay xətti üzərində yerləşir. Bu fay xətləri 7 bal üzərində zəlzələ yaratmaq gücündədir", - o deyib.

Digər tərəfdən Naci Görür zəlzələ gecəsi yaşadığı hadisəni danışarkən göz yaşlarını saxlaya bilməyib.