Azərbaycanda terror aktlarının törədiləcəyi ilə bağlı xəbərdarlıqlar yayılıb.

Yeniavaz.com xəbər verir ki, xəbərdarlıqlar “Халифат Азербайджан” adlı Teleqram kanalında dərc olunub.
Məlumatı dərc edənlər 12 mart tarixində Bakıdakı bir sıra məktəblərdə və insanların kütləvi toplaşdığı iaşə obyektlərində terror aktları törədəcəklərini bəyan ediblər.
“Proses”in saat 13:00-da başlayacağı yazılıb.
Daxili İşlər Nazirliyinin (DİN) Mətbuat Xidmətindən bildirilib ki, məsələ nəzarətə götürülüb və araşdırılır.