Günəş "öləndə" nələr baş verəcək?
Günəş əbədi olaraq parlaya bilməz. Nəhayət, onun nüvə birləşməsini təmin edən elementlər tükənəcək və Günəş ağ cırtdana çevriləcək.
Qaynarinfo Kral Astronomiya Cəmiyyətinin Aylıq Bildirişlərində dərc edilən yeni araşdırmaya istinadən xəbər verir ki, Günəş əvvəlcə qırmızı nəhəngə çevriləcək. Bu dövrdə onun radiusu Marsa çata bilər. Günəş daha sonra xarici materialını tökəcək və nüvəsi ağ cırtdan adlanan ulduz qalığına çevriləcək.
Bu proseslərin təxminən 5 milyard ildən sonra Günəşdə başlayacağı və bəzi planetlərə, o cümlədən ə təsir edəcəyi bildirilir.
Taylandın Naresuan Universitetindən fizik Amorrat Aunqveroyvitin rəhbərlik etdiyi bir qrup alim üç ağ cırtdanın davranışını təhlil edib. Alimlər bu məlumatlara əsaslanaraq Günəşin "ölümü"ndən sonra sistemimizlə nə baş verəcəyini təxmin edə biliblər.
O vaxta qədər bəşəriyyət kosmosda başqa yerdə yaşamasa çoxdan ölmüş olacaq, lakin planetimiz sağ-salamat xilas ola bilməyəcək. Təhlillərə görə, Günəşin "ölüm sancıları" Günəş sistemində "qırğına" səbəb olacaq.
Merkuri və Venera, daxili günəş sistemindəki hər şey yox olacaq. Onlar nəhayət Günəş tərəfindən "parçalanacaq" və "yeyəcəklər".
Yer orbitinin necə dəyişməsindən asılı olaraq sağ qala da, qalmaya da bilər. Sağ qalsa belə, Yer indiki sulu, yaşamaq üçün əlverişli dünyadan çox fərqli olacaq. Alimlər planetimizin atmosferini və okeanlarını itirəcəyini deyirlər.