Ofeliya Sənani: Həyat yoldaşım qızımızın xəstəliyinə dözmədi - VİDEO
Xalq artisti Ofeliya Sənani açıqlamaları ilə diqqət çəkib.
Qaynarinfo xəbər verir ki, "Həftənin qonağı" verilişinə qonaq olan diktor karyerası və şəxsi həyatı ilə bağlı bilinməyənlərdən danışıb.
Ofeliya Sənani qeyd edib ki, qızı uzun müddət onkoloji xəstəlikdən əziyyət çəkib.
Mərhum həyat yoldaşı, ssenarist Valid Sənani qızı Lalənin bu xəstəliyinə dözməyərək vəfat edib:
"Valid uşaqlarına çox bağlı idi. Qızım xəstələnən gündən o da yatağa düşdü. Mənə və oğluma dedi ki, məni bağışlayın. Soruşdum ki, sənə nə olub? Dedi ki, məndən əlini üz. Cavab verdim ki, nə danışırsan, mən anayam, mən uzanmalıyam qızımın yanında, sən yox. Ayaqları tutuldu. İkisinə də mən baxırdım. Özlərinin yanında ağlamırdım, özümü ələ alırdım. Gülüb danışırdım ki, ürəklərinə heç nə salmasınlar. Çox çətin günlər idi. Səhərə qədər yatmırdım. Qızımı sağalda bildik. Onu evə gətirəndə Valid gördü ki, arıqlayıb, saçları yox idi, ləçək bağlamışdım başına. Ondan sonra Valid ayağa qalxmadı. 2011-ci ildə vəfat etdi. Həyat yoldaşım qızımızın xəstəliyinə dözmədi".
Ətraflı videoda: