Musavat.com xəbər verir ki, Türkiyə Prezidenti Rəcəb Tayyib Ərdoğan yaxın günlərdə Ukraynanın paytaxtı Kiyevə səfər edəcək.

Bu barədə “Türkiye” qəzeti məlumat yayıb. Səfər Ukrayna Prezidenti Vladimir Zelenskinin dəvəti ilə baş tutacaq.

Görüş zamanı iki əsas mövzunun müzakirə olunacağı gözlənilir: Türkiyə ilə Ukrayna arasında azad ticarət sazişi və Rusiya-Ukrayna müharibəsinin sülh yolu ilə tənzimlənməsi.

Ərdoğanın bu səfəri regionda diplomatik fəallığın yeni mərhələsi kimi qiymətləndirilir.