Xantı-Mansi Muxtar Dairəsində (XMAO, Sibir, Rusiya) yeni doğulan körpələr arasında ən çox qoyulan adlar məlum olub.

Musavat.com xəbər verir ki, yanvar–avqust ayları ərzində bölgədə 253 oğlana Məhəmməd, 141 qıza isə Əminə adı verilib. Rəsmi statistika göstərir ki, Məhəmməd adı artıq bir neçə ildir lider mövqeyini qoruyur. Belə ki, 2022–2024-cü illərdə bu adı 1000-dən çox körpə daşımağa başlayıb.

Oğlan adlarının TOP siyahısında Məhəmməddən sonra Mixail (186), Aleksandr (166), Artyom (130) və Roman (117) adları gəlir.

Qeyd edək ki, Xantı-Mansi Muxtar Dairəsi Rusiyanın Sibir bölgəsində yerləşir və paytaxtı Xantı-Mansiysk şəhəridir. Region əsasən zəngin neft ehtiyatları ilə tanınır.