Zakir Fərəcova yaxın kadrın ölkədən çıxışına STOP qoyuldu
Sumqayıt Şəhər İcra Hakimiyyətinin başçısı Zakir Fərəcova yaxın kadrın ölkədən çıxışına məhdudiyyət qoyulub.
Qaynarinfo-nun məlumatına görə, nizamnamə kapitalı 100 manat, qanuni təmsilçisi Əhmədov Şəhriyar Mənaf oğlu olan "Sumqayıt Şəhər Təmizlik Departamenti" Məhdud Məsuliyyətli Cəmiyyətinin (MMC) 315584.25 AZN vergi borcu yaranıb.
Sözügedən borca görə Şəhriyar Əhmədovun ölkədən çıxışına məhdudiyyət qoyulub.
Qeyd edək ki, Şəhriyar Əhmədov Zakir Fərəcov Abşeron Rayon İcra Hakimiyyətinin başçısı olduğu illərdə (2005-2015) Abşeron Rayon Mənzil-Kommunal Təsərrüfatı İstehsalat-İstismarı Təmiri Birliyinin rəisi olub. O, hazırda "Abşeron İnşaat Servis" MMC-nin qanuni təmsilçisidir. Şəhriyar Əhmədov 2024-cü ilin fevral ayından "Sumqayıt Şəhər Təmizlik Departamenti" MMC-nin qanuni təmsilçiliyinə keçib.