Azərbaycanda dördgünlük TƏTİL başlayıb
Bu gündən Azərbaycanda dördgünlük tətil başlayıb.
Zəfər Günü və Dövlət Bayrağı Günü ilə əlaqədar ardıcıl 4 gün iş olmayacaq. Bu il 8 noyabr Zəfər Günü şənbə, 9 noyabr Dövlət Bayrağı Günü bazar gününə təsadüf edir.
Əmək Məcəlləsinə əsasən, həftələrarası istirahət günləri və iş günü hesab olunmayan bayram günləri üst-üstə düşərsə, həmin istirahət günü bilavasitə bayram günündən sonrakı iş gününə keçirilir.
Beləliklə, 8, 9, 10 və 11 noyabr qeyri-iş günləri olacaq.