Musavat.com xəbər verir ki, BMT-nin yeni hesabatına əsasən, İndoneziyanın paytaxtı Cakarta dünyanın ən çox əhalisi olan şəhəri elan edilib. Şəhərin sakinlərinin sayı 42 milyona çataraq uzun illər lider olan Tokionu geridə qoyub.

Reytinqdə ikinci yerdə Banqladeşin paytaxtı Dakka (36,5 milyon nəfər), üçüncü pillədə isə Tokio (33 milyon nəfər) qərarlaşıb.

TOP-10-luqda həmçinin Nyu-Dehli, Şanxay, Quançjou, Manila, Kalkutta və Seul yer alır. Siyahıya düşən yeganə qeyri-Asiya şəhəri Misirin paytaxtı Qahirədir — burada 25,5 milyon nəfər yaşayır.

Moskva 14,5 milyon nəfərlə 19-cu pillədə qərarlaşıb. Onun yanında İstanbul (15 milyon) və Vyetnamın Hoşimin şəhəri (14 milyon) göstərilir.