Ağsu rayon sakini  Zaur Məmmədov Azərbaycan Respublikasının Prezidenti cənab İlham Əliyevə, Birinci Vitse-Prezident xanım Mehriban Əliyevaya  müraciət edib.

 

Möhtərəm Prezidentimiz !

Mən bir  vətəndaş olaraq seçkilərdə fəal iştirak edirəm, Sizin daxili və xarici  siyasi kursunuzu  dəstəkləyirəm.

Mən dövlətə, dövlətçiliyə  bağlı olduğum kimi, bir vətəndaş olaraq öz  hüquqlarımı da mükəmməl  bilirəm.

Ona görə də, Sizin imzaladığınız “Vətəndaşların müraciətləri haqqında” Azərbaycan Respublikasının Qanununa istinad edərək Sizə müraciət edirəm.

Belə ki, Qanunda qeyd olunur:

Azərbaycan Respublikası vətəndaşlarının dövlət orqanlarına şəxsən müraciət etmək, habelə fərdi və kollektiv yazılı müraciətlər göndərmək hüququ vardır.

Hər bir müraciətə qanunla müəyyən edilmiş qaydada və müddətlərdə yazılı cavab verilməlidir.

Cənab Prezidentim !

Belə olan halda mənim SOCAR-ın  sabiq vitse-prezidenti  Mikayıl İsmayılovun qanunsuz əməlləri  barədə Sizə, Birinci Vitse-Prezidentə və digər  dövlət qurumlarına neçə ildir ünvanladığım 100-dən artıq  müraciətə ( şikayət məktubları, teleqramlar, media vasitəsilə müraciətlər və s ) nə üçün cavab verilmir ?

Axı, qanunda göstərilir ki, vətəndaş  müraciətinə konkret cavab verilməlidir. Bəs harada qaldı, QANUN ?

Cənab Prezidentim!

Ümid  edirəm ki, yaxın zamanda mənim müraciətlərim, şükayətlərim Sizin göstərişinizlə ciddi araşdırılacaq, konkret tədbirlər görüləcək və mənə cavab veriləcək.

Əvvəlcədən təşəkkür edirəm.

Dərin hörmət və ehtiramla,

Ağsu  rayon sakini, Azərbaycan Respublikasının vətəndaşı Məmmədov Zaur Məmmədağa oğlu

28 noyabr  2025-ci il