Gəncə Regional  Reklam İdarəsində nələr baş verir ?

 

“İNNOVA”   İnnovativ  Reklamçılıq Şirkəti  MMC ölkədə reklam bazarını inhisara  alıb…

 

Bir vaxtlar  nəqliyyat naziri  Ziya Məmmədovun “qoçu dəstələri”  var idi. “Qoçular”  avtobus marşrutlarının sahiblərinə hücum edir, taksi sürücülərini döyür  və nazirin göstərişi ilə onları cərimələyirdilər, daha doğrusu, qanunsuz pul yığırdılar.

Bu  rüsvayçı olayı illər sonra nə üçün yada saldıq..?

Deməli,  ADRA əməkdaşları  traktorla, buldozerlə, balta ilə, lomla, svarka-qaynaq aparatı ilə hücum edərək  reklam lövhələrini kəsib atırlar, sahibkarlara hədə-qorxu gəlirlər.

Söhbət  Azərbaycan Respublikasının Dövlət Reklam Agentliyindən gedir.

Qısa məlumat  üçün qeyd edək ki, ADRA  dövlət başçısının 20 iyun 2017-ci il tarixli fərmanı ilə yaradılıb. Qurumun əsas məqsədi açıq məkanda reklam mühitinin sağlamlaşdırılması, inkişaf etdirilməsi, reklamın məzmunu və reklam daşıyıcıları üzrə hüquqi və texniki tələblərin qorunmasını təmin etmək, reklam yayıcıları və sahibkarlara DƏSTƏK  vermək, onları MAARİFLƏNDİRMƏK-dir.

Bəli, məhz  sahibkarlara  DƏSTƏK  və  MAARİFLƏNDİRMƏK.

Məlumat üçün onu da qeyd edək ki, ADRA öz fəaliyyətində  “Reklam haqqında  AZƏRBAYCAN RESPUBLİKASININ QANUNU”na əsaslanmalıdır.

QANUN isə reklamın sifarişi, istehsalı (hazırlanması) və yayımlanması sahəsində münasibətlərin, onlara nəzarətin və tənzimləmənin, həmçinin reklam sahəsində özünütənzimləmənin hüquqi əsaslarını müəyyən edir.

Hətta ADRA-nın rəsmi məlumatlarında 700, 800 bəzən 1000-dən artıq reklam lövhəsinin sökülüb dağıdılması barədə qeyd edilir.

Bunlardan bir  soruşan yoxdur ki, sizin əsas işiniz SÖKMƏK, DAĞITMAQ deyil, sahibkarlara DƏSTƏK olmaq, onları MAARİFLƏNDİRMƏK-dir.

ADRA-nın əməkdaşları reklamın guya həmən  ərazinin-məkanın  ESTETİK  GÖRÜNÜŞÜNƏ   xələl gətirməsi bahənəsi ilə  bu hücumları təşkil edirlər.

Amma əslində məqsəd başqadır.

Reklam bazarı açıq və şəffaf olmalıdr.

ARDA rəhbərliyi isə  digər  reklam şirkətlərini sıradan çıxartmaq, reklam bazarında inhisar-monopoliya yaratmaq üçün özlərinə məxsus  “İNNOVA”   İnnovativ  Reklamçılıq Şirkəti  MMC  yaradıblar. Və digər reklam şirkətlərinin fəaliyyətinə imkan vermirlər. Bu isə reklam bazarında xaos yaradır, qiymətləri kəskin artırır. Yəni başqa bir  reklam şirkətinin 1000 manata hazırladığı reklam məhsulunu “İNNOVA”  5-10 dəfə baha hazırlayır. Bu isə sahibkarların ciddi  narazılığına  səbəb olur.

Bir  müddət  əvvəl ADRA əməkdaşlarının  “Sədərək” Ticarət Mərkəzinin kənarında yerləşdirilən bir sıra reklam lövhələrini  dağıtmasını  göz  önünə  gətirin.

Reklam bazarında baş verən bu qanunsuzluqlarla  bağlı

MEMAR   Cahid Həsənov mediaya  açıqlamasında deyib:

“Ümumdünya Reklamçılar Assosiasiyasının üzvü kimi açıq şəkildə deyə bilərəm ki, Azərbaycan Dövlət Reklam Agentliyi öz adına uyğun fəaliyyət göstərmir. Konkret olaraq, Azərbaycan Dövlət Reklam Agentliyi yarandığı gündən bəri ciddi səhvlərə yol verib. Onun keçmiş rəhbəri Aydın İbadov dövründə bu problemlər başladı, mən isə düşünürdüm ki, ADRA-ya  Fərhad  Adıgözəlov yeni rəhbər təyin olunandan  sonra  vəziyyət dəyişəcək. Təəssüf ki, nəinki səhvlər aradan qalxmadı, əksinə, vəziyyət getdikcə daha da pisləşməkdə davam edir.

Yeri gəlmişkən ADRA-nın ən böyük qurumlarından biri  Gəncə Regional Reklam İdarəsidir ( rəis Ramin Kazımov).

Gəncə Regional Reklam İdarəsi paytaxtımızdan sonra ən böyük şəhərimiz olan Gəncə şəhərində, eyni zamanda Şəmkir, Samux, Goranboy, Naftalan, Göygöl, Daşkəsən, Gədəbəy, Tovuz, Ağstafa və Qazaxda açıq məkanda yerləşdirilən reklamlar üzərində vahid tənzimləməni və nəzarəti həyata keçirir.

Gəncə Regional Reklam İdarəsindən şikayətçi olan və Prezidentə müraciət etməyə hazırlaşan sahibkarların problemləri ilə bağlı növbəti yazıda bəhs edəcəyik.

Bizi izləyin.

NUH.az