Ağsu rayon sakini  Zaur Məmmədağa oğlu Məmmədov Azərbaycan Respublikasının Prezidenti cənab İlham Əliyevə,

Birinci Vitse-Prezident xanım Mehriban Əliyevaya,

DTX-nin rəisi cənab Əli Nağıyevə,

Baş Prokuror  cənab Kamran Əliyevə,

Dövlət  Miqrasiya Xidmətinin rəisi cənab Vüsal Hüseynova

Və digər dövlət qurumlarına müraciət edib

 

                                               MÜRACİƏT

Müzəffər Prezidentim !

Bütün seçkilərdə Sizə səs vermis, Sizin daxili və xarici  siyasətinizi dəstəkləyən vətəndaş olaraq  Azərbaycan Respublikası vətəndaşlığından ÇIXMA  Qaydalarına uyğun olaraq bəyan edirəm:

Zəruri olan sənədləri təqdim etməyə hazıram.

1.  Heç bir kredit öhdəliyim yoxdur,

2.  Dövlət qarşısında vergi öhdəliyim yoxdur,

3.  Aliment öhdəliyim yoxdur, çünki ailəli deyiləm,

4.  Mənzil kommunal xidmətlərinə görə və qaz, işıq, su borcum yoxdur

5.  Telefon danışıqlarına görə borcum yoxdur

    6.Dövlət rüsumunu ( 200 manat) ödəməyə hazıram.

Cənab Prezidentim !

Rəsmi Qaydaya görə, Vətəndaşlıqdan çıxma SƏBƏBİNİ  göstərməliyəm. 

Mən Sizin imzaladığınız “Vətəndaşların müraciətləri haqqında” Azərbaycan Respublikasının Qanununa uyğun olaraq  SOCAR-ın  sabiq vitse-prezidenti  Mikayıl İsmayılovun qanunsuz əməlləri  barədə Sizə, Birinci Vitse-Prezidentə və digər  dövlət qurumlarına neçə ildir ünvanladığım 100-dən artıq  müraciətə ( şikayət məktubları, teleqramlar, media vasitəsilə müraciətlər və s ) cavab verilmir.

Və mənim vətəndaş hüquqlarım  pozulur.

Məhz buna görə də Azərbaycan Respublikasının vətəndaşlığından imtina etmək qərarına gəlmişəm.

Hörmətli Prezidentim !

Rica edirəm bu məsələdə mənə kömək edəsiniz və müvafiq dövlət qurumlarına göstəriş verin mənə dəstək olsunlar.

Əvvəlcədən Sizə təşəkkür edirəm.

Hörmətlə, Zaur Məmmədov

 

03  yanvar  2026-cı il