Prezident cənab İlham Əliyevin Almaniyada keçirilən Münhen Təhlükəsizlik Toplantısında, ABŞ da baş tutan "Sülh Şurası"nda xarici siyasətinin, diplomatiyasının növbəti tarixi zəfəri kimi qiymətləndirmək lazımdır Bu, tarixi Zəfərlərin ardından fevralın 25-də Prezident cənab İlham Əliyev, Birinci xanım Mehriban Əliyeva və qızları Arzu Əliyeva işğaldan azad edilmiş Xocavənd rayonu və eyni adlı Xocavənd kəndinə səfər etdilər və görülən işlərlə tanış oldular.

Burada, ümumiyyətlə Qarabağ və Şərqi Zəngəzurda misli görünməmiş, sürətli şəkildə aparılan yenidənqurma və quruculuq işləri xarici siyasətimizlə yanaşı ölkəmizin iqtisadi cəhətdən də nə qədər güclü bir ölkə olmasının nümunəsidir. Xocavənd rayonu və Xocavənd kəndi 2023-cü ildə Azərbaycan Silahlı Qüvvələrinin keçirdiyi antiterror tədbirləri nəticəsində işğaldan azad olunmuşdur. Bununla da Azərbaycanda separatizmin kökü tamamilə kəsilmiş və dövlətimizin ərazi bütövlüyü və suverenliyi tam bərpa edilmişdir. İşğaldan azad edilmiş digər yaşayış məntəqələrimizlə yanaşı Xocavənd rayonunun sakinlərinin bir qismi artıq öz doğma evlərinə qayıdıblar. Bir neçə gün əvvəl Xocavənd şəhərinə 50 ailə - 194 nəfər köçürülmüşdür. Xocavənd rayonunun 5 yaşayış məntəqəsinə ümumilikdə 355 ailə - 1485 nəfər qayıtmışdır. Bugünkü günə Xocavənd kəndinə 20 ailə - 94 nəfər öz doğma evinə dönüblər. Bu ilin mart - dekabr aylarında daha 130 ailə -533 nəfərin Xocavənd kəndinə qayıdışı gözlənilir.
Fevralın 25-də Prezident cənab İlham Əliyev və ailə üzvləri Xocalı rayonunun Xanabad kəndinə gələrək burada görülən işlərlə yaxından tanış oldular. Xanabad kəndi də 2023-cü ildə antiterror tədbirləri nəticəsində işğaldan azad olunub. Bir neçə gün əvvəl Xanabad kəndinə 38 ailə - 154 nəfər qayıdıb. Cənab İlham Əliyev Xocalıda Xocalı Memorial Kompleksinin açılışını etdi. Bu Kompleks Xocalı soyqırımı zamanı şəhid olmuş yüzlərlə soydaşlarımızın xatirəsinin hər zaman uca tutulacağı və unudulmayacağına bir simvoldur. Prezidentimiz hər zaman Azərbaycan xalqının milli maraqlarını, mədəni dəyərlərini uca tutur. Xocalı Memorial Kompleksinin açılışında çıxış edən cənab İlham Əliyev xüsusilə vurğuladı ki, xalqımız heç vaxt ermənilərin törətdikləri vəhşilikləri unutmayacaq. Xocalı hadisələrinin şahidi olan və yaxınlarını itirmiş insanlar ölkə başçımıza həlak olanların qisasının alındığını vurğuladılar və yenidən öz doğma yurdlarına qayıtdıqları üçün ölkə başçısına minnətdarlıqlarını bildirdilər. Artıq bu insanlar azad və yenidən qurulmuş Xocalıda xoşbəxt yaşayacaqlar.
Tədbirdən sonra cənab Prezident və ailə üzvlərinin sakinlərlə səmimi görüşü bir daha sübut etdi ki, Prezidentimiz öz xalqını sevən və ona bağlı olan, hər bir vətəndaşına qayğı və diqqət yetirən bir liderdir. Xalqımız da Prezidentimizə inanır və güvənir.
Ölkə başçımıza və ailəsinə qarşı təhqir kampaniyası aparan xaricdəki şərəfsizlər, əxlaqsızlar, vətən xainləri Prezidentimizin və ailə üzvlərinin bu səfərlərini diqqətlə izləsinlər və xalqın öz prezidentinə olan sevgisinin şahidi olsunlar. Qəlblərində vətən sevgisi olan dünyada yaşayan 50 milyondan çox azərbaycanlı öz liderini - İlham Əliyevi sevir və onun atdığı hər bir addımı dəstəkləyir, çünki Prezidentimiz Azərbaycanı dünyada söz və nüfuz sahibinə malik bir dövlətə çevirmişdir.

Kamilə Əliyeva
Bakı Dövlət Universitetinin kafedra müdiri, professor