Maşallah Əhmədovdan sonra İsgəndər Cavadovun həbsi gözlənilir
Bir müddət əvvəl dələduzluqda təqsirləndirilən tanınmış futbolçu Maşallah Əhmədov
Binəqədi Rayon Məhkəməsinin qərarı ilə həbs olunub.
İlkin məlumata görə, bizneslə məşğul olan “Neftçi”nin keçmiş futbolçusu Bakıda bir neçə nəfərə 150 min manatdan artıq dəyərdə
xaricdən tikinti materialı gətirəcəyini vəd edib. Lakin M.Əhmədov sözünə əməl etməyib, həmin şəxslərin pulunu da qaytarmayıb.
Məlumat üçün qeyd edək ki, M.Əhmədov İsgəndər Cavadovun rəhbərlik etdiyi Azərbaycan Regional Futbol Federasiyaları Assosiasiyasının
( ARFFA) vitse-prezidenti idi.
Bu gün NUH İnformasiya Agentliyinə ( NUH.az) daxil olan məlumata görə, yaxın günlərdə ARFFA-nın prezidenti İsgəndər Cavadovun da
həbs olunacağı gözlənilir.
Mötəbər mənbənin bildirdiyinə görə, İsgəndər Cavadov “MTN generalları” ilə əməkdaşlıq edərək tikinti biznesi ilə məşğul olan sahibkarlara külli miqdarda ziyan vurub.
Ümumiyyətlə, NUH-a daxil olan məlumata görə, tikinti ilə məşğul olan iş adamlarına qarşı “razborka”lar da idmançılar da yaxından iştirak edib.
Qarşı tərəfin də mövqeyni dərc etməyə hazırıq.
NUH.az