Qobustanda iki idarə rəisi dalaşdı
Başçı məsələyə müdaxilə etdi
Bu gün NUH.az-ın bölgə müxbirinin verdiyi xəbərə görə, Qobustan rayonunda qarşılıqlı borclara görə Qaz idarəsi İşıq idarəsinin qazını kəsib. Nəticədə İşıq idarəsi də rayon Qaz idarəsinin işığını kəsməli olub. Sonda hər iki idarə rəisi arasında dava olub. Hadisə yerinə rayon polis şöbəsinin əməkdaşları gəlib.
Məsələyə müdaxilə edən RİH-nin başçısı Adil Məmmədov hər iki idarə rəisini xeyli danlayıb.
Müxbirimizin məlumatına görə hələ də tərəflər “işıq-qaz” məhdudiyyətini aradan qaldırmayıb.
Problemlə bağlı icra hakimiyyəti ilə əlaqə saxlamaq cəhdimiz baş tutmadı.
NUH.az