Xətai klinikasında əməliyyat yarımçıq qalıb ?
Klinikada elektrik generatoru yoxdur ?
Xətai rayonu ərazisində ciddi səbəb olmadan işıqların sönməsi adi hal alıb. Tez-tez Xətai metro stansiyası ətrafındakı ərazidə, S.Vəzirov küçəsində işıqlar sönür.
NUH.az-a daxil olan məlumata görə, bu gün saat 12-00 radələrində S.Vəzirov küçəsində işıqlar qəfildən sönüb. Və elektrik enerjisinin verilməsi xeyli müddətdən sonra bərpa olunub.
Mənbə bildirir ki, həmin ərəfədə Xətai klinikasında aparılan əməliyyat yarımçıq qalıb. Əlbəttə işıqların mütəmadi sönməsinə görə, “Azərişıq” və Xətai Enerji Təchizatı İdarəsi məsuliyyət daşıyır. Ancaq maraqlıdır ki, görəsən, reklamlarda özünü müasir tələblərə cavab verən tibb müəssisəsi kimi təqdim edən Xətai klinikasında elektrik generatoru yoxdur..?
NUH.az