Qarabağ döyüşlərində qəhrəmancasına həlak olan şəhidlərimizin xatirəsini yad etmək üçün bölgələrimizdə tədbirlər keçirilir, ehsan süfrələri açılır. İnsanlarımız imkanları daxilində şəhidlərimizin qarşında öz mənəvi borclarını ifadə edirlər.
Tədbirlər eyni zamanda vətənpərvərlik təbliğatında, gənclərimizin vətənə olan sevgisinin formalaşmasında ciddi rol oynayır. Belə tədbirlərdən biri bu günlərdə Sabirabad rayonu İsfəndiyar Mirzəyev adına Bulduq kənd tam orta məktəbində keçirilib. Tədbir məktəbin tarix müəlliməsi Elnarə Babazadənin təşəbbüsü və təşkilatçılığı ilə baş tutub.
Tədbirdə kəndin mollası, Ulacalı kənd icra numayəndəsi Vüqar Babayev, məktəbin direktoru Sahil İmanov, direktor müavini Mübariz Fətəliyev, Böyükxan müəllim, Ulacali kənd bələdiyyə sədri Ziyadxan Gözəlov və başqa şəxslər iştirak edib. Tədbirdə məktəbin şagirdləri şəhidlərlə bağlı, vətən haqqında şeirlər, mahnılar səsləndirib.