İqbal Ağazadə deputatlığa namizəd olmaq istəyir
Ümid Partiyasının sədri, keçmiş deputat İqbal Ağazadə nəticələri ləğv edilmiş 90 saylı Ağdaş Seçki Dairəsindən deputatlığa namizəd olacaq.
Bu barədə lent.az-a o özü bildirib. Partiya sədri deyib ki, artıq məsələ ilə bağlı sənədlərini toplayıb Mərkəzi Seçki Komissiyasına təqdim edib.
Qeyd edək ki, Azərbaycan prezidenti İlham Əliyevin 12 aprel 2016-cı il tarixli sərəncamı ilə 90 saylı Ağdaş Seçki Dairəsi üzrə Milli Məclisə təkrar seçkilər 2016-cı il iyunun 18-nə təyin olunub.
Onu da bildirək ki, İ.Ağazadə ötən il keçirilən parlament seçkilərində 35 saylı Xətai üçüncü Seçki Dairəsindən deputatlığa namizəd olmuşdu. Həmin dairədən ASDP sədri Araz Əlizadə deputat seçilmişdi.
NUH.az