SOCAR-ın yeni binasının açılışında “məzhəkə”
Bir neçə gün əvvəl Azərbaycan Respublikası Dövlət Neft Şirkətinin (SOCAR) yeni inzibati binasının açılışı oldu.
Açılış mərasimində Azərbaycan prezidenti cənab İlham Əliyev də iştirak edib.
SOCAR prezidenti Rövnəq Abdullayev dövlət başçısına binada yaradılan yüksək şərait barədə məlumat verərək, bildirib ki, burada işçilərin fəaliyyəti üçün hər cür şərait yaradılıb, bina ən müasir avadanlıqlarla təchiz edilib.
NUH.az-a daxil olan məlumata görə SOCAR-ın yeni binasında nümayiş etdirilən müasir kompüterlər və kompüter avadanlıqları özəl şirkətlərin birindən bir günlüyə alınıb və açılışdan sonra sahibinə qaytarılıb.
Xəbərin nə dərəcədə doğru olub-olmadığını dəqiqləşdirə bilməsək də, ancaq onu dəqiq bilirik ki, ölkə başçısını məzhəkə iştirakçısına çevirmək heç kimə baş ucalığı gətirməz.
Qarşı tərəfin mövqeyini işıqlandırmağa hazırıq.
NUH.az