Dünya şöhrətli sənətkar Rəşid Behbudovun Bakıda ucaldılan heykəli bəzi etirazlara səbəb olub. 

AzNews.az xəbər verir ki, Dövlət Mahnı Teatrının qarşısında ucaldılan heykəlin R.Behbudova bənzəməməsi müzakirə obyektinə çevrilib. 

AzNews.az-ın əməkdaşı məsələylə bağlı Rəşid Behbudovun ailəsiylə əlaqə saxlayıb. Sənətkarın kürəkəni Kamil Şahverdiyev açıqlamasında bildirib ki, sənətkarın heykəli ailə tərəfindən müsbət qarşılanıb: “Biz ailəliklə heykələ baxmışıq və bəyənmişik. Bu məsələ artıq həll olunub və Rəşid Behbudovun heykəli qəbul olunub. Əlavə söz-söhbətə ehtiyac yoxdur”.

Xatırladaq ki, heykəlin müəllifi Azərbaycanın xalq rəssamı Fuad Salayevdir. Abidənin açılış mərasiminin sentyabr ayında olacağı gözlənilir.

  NUH.az