Bədəvi ərəb və “Koroğlu” MMC-nin nəvəsi Tahir Əliyev
ARMO STORE supermarketində hamam suyu satırlar
“Koroğlu” MMC-nin mənfi imici ilə bağlı ölkə mətbuatında kifayət qədər yazılıb.
Hətta firmanın rəhbəri Tahir Əliyevin adam oğurluğunda ittiham olunması da mətbuatda öz əksini tapıb. Bütün bunların nə dərəcədə həqiqətə uyğun olub-olmadığını deyə bilmərik.
Biz konkret olaraq öz gözlərimizlə gördüklərimizi cəmiyyətə çatdırmaq istəyirik.
Məlumat üçün onu da qeyd edək ki, “Koroğlu” firması allah qoymasa müstəqil Azərbaycanın ilk şirkətlərindən biridir və 1992-ci ildə təsis olunub.
İki ay əvvəl Xətai rayonu, S.Vəzirov küçəsində bir hay-küy qopdu, çal-çağırdan qulaq tutuldu, adamlar musiqinin sədalarına yığışdılar, gənc xanım müğənnilər çalıb-çağırdı...Və məlum oldu ki, yuxarıdakı ünvanda “Koroğlu” firması yeni bir supermarket açır: ARMO STORE.
Ancaq ilk gündən bəlli oldu ki, bu supermarket ölkədə devalvasiyanın olduğu bir zamanda məhsulları başqa marketlərlə müqayisədə çox baha satır. Nə etməli..? Bunu da yazaq bazar iqtisadiyyatının ayağına. Bəs...
Hazırda ölkədə istilərin tüğyan elədiyi bir zamanda ARMO STORE marketində hər növ içki, mineral sular demək olar ki, az qala qaynayır. Hər dəfə soruşandakı bu boyda bahalıq olduğu halda nə üçün soyuducu sistem işləmir, cavab verirlər ki, soyuducunu məhsulu verən firma quraşdırmalıdır.
Axı, müştərinin nəyinə lazımdır kim quraşdırır, neçəyə quraşdırır..? Müştəri yayın istisində sərin su almaq istəyir.
Sözün qısası, XXI əsrdə bizm bəyənmədiyimiz bədəvi ərəblər avtobus dayanacaqlarında kondisioner quraşdırır, Koroğlunun nəvəsi Tahir Əliyev isə yayın istisində əhaliyə hamam suyu satır. Özü də çox baha qiymətə..
NUH.az