Allahın acizliyi və insanın cahilliyi haqqında(balaca bir esse)
Rasət Pirisoyu
Allah insanların cahilliyi qarşısında hər dəfə aciz qalanda ona bir «möcüzə» göndərib.
İnsanlar da uzun illər boyu bu «möcüzənin» yaratdığı illüzyanın içində ora - bura vurnuxub, heyran olub, baş yarıb, yaxa cırıb və ölüb gediblər. Peyğəmbərlər dünyaya beləcə gəilb.Və günlərin bir günü bu cahillik elə bir səviyyəyə çatıb ki, insanı ram etmək üçün illüziyalar bəs etməyib. Və tarixin Orta əsrlər dövrü başa çatıb və Yeni dövrü başlayıb. Yeri gəlmişkən, deyim ki, tarixdə ilk dəfə «Orta əsrlər» terminini italiyalı humanist Filavio Bondo (Flavius Blondus) işlədib, indi biz də nədən ibarət olduğunu vecimizə almadan bu termindən geninə - boluna istifadə edirik. Əslində buna bizim, yəni biz azərbaycanlıların tam «haqqı var», çünki biz, hələ də orta əsrlərin içərisindəyik və ordan nə vaxt çıxacağımız heç allaha da bəlli deyil. Söhbət insanı cahilliyindən və Allahın insan qarşısında acizliyindən gedir…Orta əsrləri inkar edib Yeni dövrü izah etmək istəyən filosolflar peyğəmbərlərdən də böyük şöhrətə yiyələnə bildilər. Amma buna baxmayaraq insan cahilliyindən yenə də əl çəkmədi. Keçən əsrin əvvəllərində Avropa modernizmini nəzərdən keçirən və indii bizim postmodernizm kim tanıdığımız dünyagörüş birbaşa olmasa da örtülü şəkildə dünyaya pıçıldadı ki, (indi postmodernizm bunu açıq şəkildə deyir) cahillik insanın mahiyyətindədir, bununla mübarizə aparmağa dəyməz, insan da vəhşidir, elə insanı da başqa vəhşi canlılar kimi rahat buraxmaq lazımdır, qoy necə istəyirsə, elə də yaşasın… Bəs bu düşüncə tərzinin nəticəsi nə oldu?
Nəticədə faşizm və kommunizm meydana çıxdı.Dünyada vəhşi dövlətlərin döyüşü başladı.Nəticədə bəşəriyyət iki dünya mühaibəsi ilə üz - üzə gəldi. İki dünya müharibəsindən sonra allah bizə internet möcüzəsi bəxş etdi. Yeri gəlmişkən deyim ki, Yeni dövr fəlsəfəsinin baniləri - Frensis Bekondan (Francis Bacon) tutmuş içərisi İssak Nyuton (Isaac Newton) və Blez Paskal (Blaise Pascal) olmaqla Devid Yuma (David Hume) və Piyer Qassendiyə (Pierre Gassendi) qədər bütün filosoflar Allah ideyasını qəbul edib, amma hərə öz başa düşdüyü tərzdə.İndi internet bizə dünyanı demək olar ki, bütün çılpaqlığı ilə təqdim edir. Biz çox asanlıqla dünyanı hansı biabırıçılıq içərisində olduğunu müşahidə edə bilirik. Nə Orta əsrlərdə, nə də Yeni dövrdə insanın belə bir imkanı olmayıb. Amma indi var.Ən biabırçı «internet də» Azərbaycandadır.İndi biz hamımız Azərbaycandakı informasiya qarşısında acizik, gözümüzün önündə irtica ilə qaragüruh və ona qoşulan (içi biz qarışıq) möhtəşəm Azərbaycan xalqı ən müxtəlif şəkildə mayallaq aşır və heç kimin əlindən heç nə gəlmir. Amma nə yaxşı ki, internet var.İnternet olmasaydı, indi biz nəinki Frensis Bekonu, İssak Nyutonu, Blez Paskalı… heç Suriyani, İŞİDİ, o cümlədən Tarif Şurasıni, yorğan haqqında, az yeməyin faydaları haqqında yeni bilgiləri taniya bilməzdik.Heç özümüzün özümüzdən də xəbərimiz olmazdı.
İlahi, internetə görə çox sağ ol! Amma bizim yenə sənə ehtiyacımız var. Gör neyləyirsən…
NUH.az