Çovdarov Tağı Əhmədovun pulunu geri qaytarıb
Akif Çovdarovla Tağı Əhmədov barışıb
Ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovun “Bakı Metropoliteni” QSC-nin sabiq rəisi, YAP-ın Yasamal təşkilatının sədri Tağı Əhmədovdan 3 milyon manar rüşvət alması ilə bağlı məlumatlar xeyli müddətdir ki, ölkə mediasında tirajlanır.
Bu faktı hətta Tağı Əhmədovun özü də inkar etmir. Və bildirir ki, 3 milyon manat mənim 40 illik halal əmək haqqımdır. Çovdarov isə 3 milyon söhbətinə ironiya ilə cavab verir ki, Tağıdan heç 3 manat da almaq olmaz.
NUH.az-a daxil olan məlumata görə, bir neçə gün əvvəl Akif Çovdarovun və Tağı Əhmədovun yaxınları arasında görüş olub. Görüşün nəticəsində barışıq əldə olunub və Tağı Əhmədovun 3 milyon manatının 1.5 milyonu geri qaytarılıb.
Tərəflərin mövqeyini dərc etməyə hazırıq.
NUH.az