Bu dərman hər evdə olmalıdır

Aspirin ürək-damar xəstəliklərindən qorunmaq üçün ən çox istifadə olunan dərmanlardan biridir.
Yeniavaz.com xəbər verir ki, onun əsas faydası qanın laxtalanmasının qarşısını almaqdır.
Bu xüsusiyyətinə görə, həkimlərin tövsiyəsi ilə gündəlik az dozada qəbul edildikdə infarkt və insult riskini azaldır. Xüsusilə daha əvvəl infarkt keçirmiş insanlarda ikinci dəfə baş verə biləcək ürək tutmasının qarşısını almaqda təsirlidir.
İnfarktdan şübhələnən şəxs aspirin qəbul etməlidirsə, onu udmaq yox, çeynəmək lazımdır – bu, dərmanın qana daha tez qarışmasına və təsirinin sürətlənməsinə səbəb olur.
Aspirin eyni zamanda baş, diş, əzələ ağrılarını azaldır, bədən temperaturunu salır və iltihab əleyhinə təsir göstərir. Lakin uzun müddət nəzarətsiz istifadəsi mədə problemlərinə, qanaxmalara və bəzi hallarda ciddi yan təsirlərə səbəb ola bilər. Bu səbəbdən aspirin yalnız həkim məsləhəti ilə istifadə olunmalıdır.