Azərbaycanda BAYRAM- Qeyri-iş günü bir də 4 aydan sonra olacaq

30 iyun 2025 10:46

Azərbaycanda qeyri-iş günü - bayram tətili bir də 4 aydan sonra - noyabr ayında olacaq.

Teleqraf xəbər verir ki, iyul, avqust, sentyabr və oktyabr aylarında bayram yoxdur.

Sentyabrın 20-si Dövlət Suverenliyi Günü, oktyabrın 18-i Dövlət Müstəqilliyinin Bərpası Günüdür. Həmin günlər hər il bayram kimi qeyd olunan iş günləridir.

Növbəti qeyri-iş günü noyabr ayına təsadüf edəcək. 8 Noyabr Zəfər Günüdür. Noyabrın 9-da isə Azərbaycan Respublikasının Dövlət Bayrağı Günü qeyd olunacaq. Hər iki gün qeyri-iş günü olan bayramdır.

 
Noyabrın 8 və 9-u şənbə-bazardır. Əmək qanunvericiliyinə əsasən, əgər qeyri-iş günləri şənbə-bazara düşərsə, növbəti gün (günlər) istirahət günü sayılır. Beləliklə, noyabrda ardıcıl 4 gün - 8,9,10 və 11-də iş olmayacaq.

Noyabrın 12-si isə Konstitusiya Günüdür. Həmin gün bayram olsa da, iş günüdür.

İlin sonuncu bayramı isə 31 Dekabr - Dünya Azərbaycanlılarının Həmrəyliyi Günüdür.

 





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1326