Bu xəbər bizi ciddi şəkildə narahat etdi - İlham Əliyev

Prezident İlham Əliyev iranlı həmkarı İbrahim Rəisi və onun nümayəndə heyətini daşıyan helikopterin qəza enişi etməsi ilə bağlı paylaşım edib.

“Qafqazinfo” xəbər verir ki, paylaşımda aşağıdakı sözlər qeyd olunub:

“Bu gün İran İslam Respublikasının Prezidenti İbrahim Rəisi ilə dostcasına xudahafizləşdikdən sonra ali nümayəndə heyətini daşıyan helikopterin İranda qəza enişi etməsi barədə xəbər bizi ciddi şəkildə narahat etdi. Uca Allahdan dualarımız Prezident İbrahim Rəisi və onu müşayiət edən nümayəndə heyəti ilədir. Qonşu, dost və qardaş ölkə olaraq Azərbaycan Respublikası hər cür dəstək göstərməyə hazırdır”