Ana südü buynuz qişanın zədələrinin sağalmasını sürətləndirir

Heyvan modellərində zədələnmiş buynuz qişaların müalicəsi üçün ana südündən istifadə dərmanlarla müqayisədə yaraların sağalma prosesini sürətləndirir.
Yeniavaz.com xəbər verir ki, bu faktı Kaliforniya Universitetinin oftalmoloqları və tələbələri tərəfindən aparılan sonuncu araşdırma ortaya çıxarıb.
Dr. Sarah Pimplenin rəhbərlik etdiyi araşdırma, oftalmologiya tədqiqatının rəhbəri Mişel Pedlerin dəstəyi ilə həyata keçirilib.
Tədqiqat nəticəsində aktiv şəkildə bölünən hüceyrələrin istehsal etdiyi bir protein olan Ki67 adlı hüceyrə proliferasiya markeri ölçülüb.
“Göz zədələrində tez sağalma son dərəcə vacibdir, çünki o, gözün daha da zədələnməsinə səbəb ola biləcək mümkün infeksiyanın qarşısını alır. Yara nə qədər tez sağalsa, bir o qədər yaxşıdır. Ana südü bu prosesi sürətləndirir”, - tədqiqatçılar bildirirlər.