- Bakcell çempion şahmatçı Ülviyyə Fətəliyevanı təbrik etdi - Fotolar
- Dramatirix Hüseynbala Mirələmova Türkiyənin xüsusi mükafatı təqdim edildi (FOTO)
- Gecə-gündüz QARANLIQ və ÇİRKAB işlərə bulaşan Gündüz Əliyev kimdir – Fərəcovun “sağ əli”nin milyonluq cinayətləri...
- Ölkədən 6 MİLYARD pul çıxarıb ? ŞOK
- Füzuli şagirdləri üçün NAR-dan gözəl hədiyyə
Sumqayıtın icra başçısı Zakir Fərəcovun milyonlarını mənimsədiyi naəlac iş adamlarından, Prezidentə ŞOK MÜRACİƏT
“Cənab Prezident! Köməyinizə ehtiyacımız var, başçı bizi işlədib, pulumuzu vermir!”
Artıq neçənci dəfədir ki, Sumqayıtın ən gözəgəlimli yerlərində apardıqları abadlıq və yenidənqurma işlərinin ödənişləri ilə əlaqədar, İcra Hakimiyyətinin başçısı Zakir Fərəcovla aralarında yaranan və uzun müddətdir davam edən səs-küylü milyonlarla borc qalmaqalı ilə bağlı, bir qrup iş adamı tərəfindən, müxtəlif vaxtlarda, ölkə başçısına və əlaqədar dövlət qurumlarının rəhbərlərinə, hətta beynəlxalq təşkilatlara belə kəskin şikayət xarakterli Müraciət və şikayət ərizələri ünvanlanıb. Təxminən 8 milyon manatlıq borcun bu günə qədər ödənilməməsi, üstəlik, sahibkarların təhdid və təqib olunması barədə, ölkə mediasında, eləcə də, araz.az xəbər portalında geniş məlumat verilsə də, rəsmi qurumlar hələ məsələyə hüquqi qiymət verməyə tələsmirlər. Bir sözlə, şahidi olduğumuz və getdikcə daha kəskin xarakter alan səngiməyən etirazlara məhəl qoyan tapılmır ki, tapılmır. Xətrinə dəyənin tapılmaması səbəbindən, başda duran əsas günahkarın — icra başçısı Zakir Fərəcovun da, dünya vecinə deyil.
İş adamları Vüsal Qəribov, Miribrahim Məmmədov, Vüqar Abbaszadə, Nəsib Nəsibov, Rasim Cəfərov, Elnur Həsənov, Aruz Yusifov, Mirhüseyn Məmmədov, Hümmət Qasımov, Murad Nəsibov, İslam Əliyev, Zamiq Qasımov, İlham Məmmədov, Taleh Seyidov, Çingiz Mansurov, Oruc Məmmədov, Emil Muradov, Şahin Cəfərov, Əkbər Abbasov, Abulhüseyn Şirinov, Ağamməd Şəmiyev, Pərviz Abbaszadə, Vilayət Qacarov, Müqayis Verdiyev,
Azad Süleymanov… tərəfindən ölkə rəhbərinə və digər əlaqədar dövlət qurumlarının rəhbərlərinə ünvanlanan, eləcə də, araz.az-ın redaksiyasına göndərilən sonuncu şikayət xarakterli Müraciət, yazının sərlövhəsində xüsusi olaraq qeyd olunduğu kimi, doğrudan da, şok effekti yaradır. Onlar bildirirlər ki, uzun müddətdir haqqları olan halal pullarını icra başçısı Zakir Fərəcovdan ala bilmirlər və buna görə, ölkə başçısından kömək istəyirlər: “”Cənab Prezident! Köməyinizə ehtiyacımız var, başçı bizi işlədib, pulumuzu vermir!”.
Yeri gəlmişkən, qeyd edək ki, təxminən 430 nəfərə yaxın sahibkar və işçinin haqqı olan həmin məbləğin icra başçısı tərəfindən qəsdən ödənilməməsi, həmin pulların mənimsənildiyindən xəbər verir. Bir də ki, dövlət büdcəsindən ayrılan bu boyda maddi vəsaitin, işlərini alqışalayiq səviyyədə görənlərə verilməməsinin başqa adı yoxdur. Elə, bununla əlaqədar olaraq da, sahibkarlar və işçilər, növbəti dəfə, ölkə rəhbərinə üz tutmağa məcbur olublar. Və bildirirlər ki, artıq, illərdir ki, haqqları olan pullarını icra başçısı Zakir Fərəcovdan ala bilmirlər. Sahibkarlar onu da deyirlər ki, bununla əlaqədar, dəfələrlə, icra başçısı və onun müavinlərinin yanında olublar. Lakin, hər dəfə bir bəhanə ilə, Zakir Fərəcov məsələdən boyun qaçırıb: “Biz, Zakir Fərəcovdan əlavə nəsə istəmirik. Öz haqqımız olan pulumuzu tələb edirik. Lakin, hər dəfə, bizi ya təhdid edir, ya yola verməyə çalışır, ya da, borcun 30 faizinin ona bağışlanmasını tələb edir. Bir icra başçısının dövlətin bu qədər pulunu mənimsədiyi az deyil, üstəlik, gördürtdüyü işin pulundan pay istəməsi, nəinki qanunsuzluq, həm də hüquqi məsuliyyətdir. Zakir Fərəcov kimə və ya kimlərə arxayındır bilmirik?! Ancaq, onu bilirik ki, bu adam nə qanun sayır, nə qayda bilir, nə də, onun kimsədən qorxusu var. Əgər belə olmasaydı, dövlətin pulunu asanlıqla mənimsəyib, bizə yaratdığı borcunu qaytarardı”.
İş adamları daha sonra qeyd edirlər ki, onlar bütün imkanlarından yararlanaraq, pullarını almağa çalışırlar. Onların sözlərinə görə, bunun üçün, bütün barışıq təkliflərindən istifadə edir, ödənişlərin heç olmsa hissə-hissə həyata keçirilməsini istədiklərini qeyd edirlər. İcra başçısı isə, bunu qəbul etmir: “Cənab Prezident! Biz, dəfələrlə, Zakir Fərəcovun qəbulunda olmuşuq. Hər dəfə, bizi, öz halal pulumuzu istədiyimizə görə, təhdid edib. Deyir ki, əgər puldan imtina etməsək, bizi həbs etdirəcək. Son dövrlər isə, bu məsələni elə bir həddə çatdırıb ki, Sumqayıt şəhərinə nəinki işlə bağlı, hətta yaxınlarımızı belə ziyarət etməyə getməyə risk etmirik. Çünki Zakir Fərəcov Sumqayıta ayaq basacağımız təqdirdə, hamımızı həbs etdirəcəyi ilə hədələyib. Biz hüquqi bir ölkədə yaşayırıq. Bir icra başçısının özünü bu qədər qanundan üstün bilməsi, özbaşınalıqla məşğul olması, sahibkarı, işçini həbslə hədələməsi onun əndazələri aşmasının, qanunları saya salmamasının təzahürüdür. Bunun başqa adı yoxdur. Biz cəngəllikdə yaşamırıq. Şükür Böyük Allaha ki, Sizin sayənizdə, güclü və hüquqi bir dövlətdə yaşayırıq. Məhz Sizin rəhbərliyiniz sayəsində, ölkədə qanunçuluq, asayiş, əmin-amanlıqdır və bundan sonra da, belə davam edəcək. Zakir Fərəcovun isə, özünü harada hiss etməsi çox maraqlıdır. Qanunları saya salıb, məhəl qoymadan, qorxusuz-hürküsüz dövlətin və sahibkarların bu qədər pulunu mənimsəməsi üçün, bir icra başçısı, ya özünə çox arxayın olmalı, ya kimsədən qorxub, çəkinməməli, ya da, hansısa bir toxunulmaz qüvvə tərəfindən güclü müdafiə olunmalıdır”.
Sahibkarlar daha sonra müraciətlərində xüsusi olaraq onu vurğulayırlar ki, hal-hazırda ölkədə həyata keçirilən çoxsaylı islahatlar nəticəsində, bir çox yeniliklərə imza atılıb, xeyli işlər görülüb. Onların sözlərinə görə, indiyə qədər cəzasız qalan məmurlar da, bu islahatlardan paylarını alacaqlar: “Möhtərəm Prezident! Siz, hər dəfə, məmurları qəbul edərkən, bu ölkənin, habelə iqtidarın adına ləkə gətirən icra başçılarına yerində xəbərdarlıq edirsiniz ki, qanunsuzluqla, özbaşınalıqla, fəhlənin haqqını yeməklə məşğul olan keçmiş icra başçıları layiqli cəzalarını alıblar və bundan sonra da, alacaqlar. Buna görə, Sizi alqışlayır və dəstəkləyirik! Həqiqətən də, ölkəmizdə, Sizin etimad göstərdiyiniz, lakin bundan sui-istifadə edərək, özbaşınalıqla məşğul olan, işçinin haqqını yeyən icra başçıları, məmurlar var. Onlar elə zənn edirlər ki, xan, bəy və ya ağadırlar. Hamıya yuxarıdan aşağı baxırlar, xərac toplayırlar, dövlətin pullarını şəxsi vəsaitləri kimi mənimsəyirlər. Onlar o qədər öz hədlərini aşıblar ki, Sizin yürütdüyünüz siyasətə qarşı çıxır, vətəndaşları incidir, sahibkarların haqqını yeyir, əhaliyə zülm edirlər. Belə icra başçılarından biri də, Sumqayıtın icra başçısı Zakir Fərəcovdur. Düz 6 ildir, Sizin bəyənib: “Qısa müddətdə bu işləri görmək möcüzədir!” — dediyiniz həmin möcüzəni reallığa çevirən biz sahibkarların pullarını vermir. Bu azmış kimi, bizi hədələyir, təhdid edir və min bir bəhanə ilə, pulu qaytarmaq istəmir. O təkcə bizim deyil, daha neçə-neçə iş adamlarının da haqqını mənimsəyib. Hətta onların arasında, xarici iş adamları da var. Biz əminik ki, Siz, Zakir Fərəcovla bağlı ölçü götürəcək, onun layiqli cəza almasını təmin edəcəksiniz”.
İş adamları onu da qeyd edirlər ki, indiyə qədər etdikləri müraciətlərin bəzi təsirləri olsa da, bu, hələ, onların problemlərinin həllinə kömək etməyib: “Şikayət ərizələrimizdən sonra, Zakir Fərəcov tərəfindən bizimlə əlaqə yaradıldı. İcra Hakimiyyətinin şöbə müdiri Gündüz Əliyev bizi görüşmək üçün dəvət etdi. 23 fevral, 2022-ci il tarixində, təxminən saat 14.30 radələrində, Şəhidlər Xiyabanında Gündüz Əliyevlə görüş baş tutdu. Oradan İcra Hakimiyyətinə getdik və Zakir Fərəcovla görüşdük. Görüş zamanı Zakir Fərəcov ilkin ödəniş ediləcəyini və bizdən, yaranmış borcların tam ödənilməsi barədə, ərizə yazmağımızı xahiş etdi. Bildirdi ki, Prezident Administrasiyasından onu çox sıxdıqları üçün, bu ərizə ona çox vacibdir. Gündüz Əliyev də, görüşdə iştirak edirdi. Biz bu xahişi qəbul edə bilməyəcəyimizi bildirdik. Xeyli söhbətdən sonra, müqəddəs kitabımız “Qurani-Kərim”ə əl basaraq, and içdilər ki, ərizə veriləndən sonra, ilkin ödəniş olacağını, 24 fevralda isə, qalan borcun ödəniləcəyini bildirdilər. Biz, bu dəfə də, Zakir Fərəcovun yalanlarına inandıq. Borcun ödənilməsi barədə, ərizə də yazıb, təqdim etdik. Bundan sonra, ödəniş edilməsi üçün, başçı bizi İcra Hakimiyyətinə dəvət etdi. Gündüz Əliyev iş otağında 2.900.000 (iki milyon doqquz yüz min) manat borca görə, ilkin olaraq, 10.000 (on min) manat pul verdi. Buna narazılığımızı bildirdik. Gündüz Əliyev narahat olmamağımızı, 24 fevralda qalan borcun hamısının ödənilməsini, həmçinin “MuğanBank”ın qarşısındakı parkda fontan quraşdırılması üçün də, 50.000 (əlli min) manat pul ödəniləcəyini və parkda abadlıq işlərini də, tamamlamağımızı xahiş etdi.
Yeri gəldi deyə, onu da qeyd etmək istəyirik ki, Zakir Fərəcovun yaxını olan, arada bizə ödənişləri həyata keçirən Gündüz Əliyevin barəsindəki cinayət işi də, hazırda Sumqayıt Ağır Cinayətlər Məhkəməsində baxılır. Gündüz Əliyev bizə bildirdi ki, vəsait Zakir Fərəcov tərəfindən tam ödəniləcəkdir. Biz, bu dəfə də, onlara inanaraq, razılaşdıq və verilən pulu götürdük. 24 fevralda, nə qədər zəng vursaq da, telefonlarımıza cavab verən olmadı. Biz, artıq, Zakir Fərəcovun yalanlarından və oyunlarından bezmişik. Respublikanın ən böyük şəhərindən birinə başçılıq edən bir insana, necə inanmayasan?! Bu qədər yalanlar danışan, sözünə əməl etməyən, yaratdığı problemlərlə üz-üzə qalan insanların taleyi ilə oynayan başçı Zakir Fərəcovun oyunlarına, nə vaxtsa, son qoyulacağını böyük ümidlərlə gözləyirik. Onu da bildiririk ki, bizə dəymiş zərərin ödənilməsi barədə, ərizəmiz etibarsızdır, heç bir hüquqi qüvvəsi yoxdur. Çünki yuxarıda qeyd etdiyimiz kimi, əslində, bizə olan borc ödənilməmişdir. Biz, Zakir Fərəcovun yalan vədlərinə və borcun ödənilməsinə dair verdiyi vədlərə inanaraq, qeyd edilən ərizəni yazmağa məcbur olmuşuq. Bir də, onu demək istəyirik ki, ayrı-ayrı vaxtlarda, Zakir Fərəcov müəyyən ödənişləri, hazırda həbsdə olan və reket jurnalist kimi tanınan, “Gündəlik Bakı” qəzetinin Baş redaktoru Habil Vəliyev vasitəsi ilə, bizə göndərmişdir. Jurnalistin bu işlərə nə aidiyyatı olduğunu, hələ də, başa düşə bilmirik.
Sizdən xahiş edirik ki, gördüyümüz işlərin dəyərinin bizə ödənilməsi üçün, öz ciddi göstərişlərinizi verəsiniz! Axı, bu günə kimi, etdiyimiz müraciətlərə müsbət yanaşılsa da, indiyə qədər, problemimiz həll olunmamış qalıb. Lakin biz əminik ki, şikayətimiz Sizə çatdıqdan sonra, ona baxıb, lazımi göstərişlər verəcəksiniz. Çünki, Siz, hər zaman zəhmətkeş insanların, sahibkarların, işçilərin yanında olmusunuz, onlara dəstək vermisiniz və onları hər zaman himayəniz altında saxlamısınız. Şübhəsiz ki, bu gözəl ənənə, bundan sonra da, davam edəcək. Ona görə də, Sizdən xahiş edirik ki, üzləşdiyimiz problemin aradan qaldırılmasında, yəni, illərdir halal haqqımız olan pulun Sumqayıtın icra başçısı Zakir Fərəcovdan alınaraq, bizə verilməsinə köməklik edəsiniz. Bizim Sizdən başqa güvənəcəyimiz kimsəmiz yoxdur. Və inanırıq ki, səsimizi eşidib, Zakir Fərəcov haqqında hüquqi tədbirlərin görülməsini təmin edəcəksiniz!”.
Bir daha qeyd edirik ki, Sumqayıtın icra başçısı Zakir Fərəcovla, bir qrup iş adamı arasında, artıq, 8-inci ilinə qədəm qoyan bu səs-küylü borc qalmaqalı, ölkə mətbuatının da, gündəmindən düşməyib, belə gedişlə, heç, düşənə də oxşamır. Daim diqqətimizdə olduğundan, bu ciddi məsələ ilə bağlı yazılar, araz.az-da da, daha çox özünə yer edib. Bu yerdə, əsasən, onu xüsusi olaraq qeyd etmək istəyirik ki, çoxsaylı şikayətlər əsasında yazdıqlarımızda bir məqam daha çox diqqət çəkib: Borc qalmaqalı ətrafında baş verənlər, həmişə, insanlıq əleyhinə yönələn hərəkətlər kimi xarakterizə olunub. Buna belə baxmayaraq, hay-küylə davam edən bu xoşagəlməz qalmaqalı yaradan əsas günahkarların xətirlərinə dəyən tapılmayıb. Bu isə, həmişə təəccüb yaradıb və beləcə, bu qalmaqal, necə deyərlər, öz axarı ilə davam edib. Açıq-aydın görünür ki, bu qalmaqal çox davam edəcək — “xəmir hələ çox su aparacaq”.
Bəli, bu qalmaqalda, iş adamları olmazın əziyyətlər çəkiblər. Onları belə bir aqibətlə üzləşdirənlər, təkcə başçı Zakir Fərəcov deyil, həm də, onun vəzifə başındakı əlaltıları hesab olunan Gündüz Əliyev, Adil Xudadatov, Hüseyn Həsənov… kimi harın məmurlardır. Bu biabırçı oyunda, Sumqayıtın “tender kralı” kimi özünü tanıdan Hümbət Məmmədxanovun əlinin olması isə, daha dəhşətlidir. Onların, zərərçəkən və incidilən iş adamları tərəfindən, ən ölçüyəgəlməz, qalmaqallı, rüşvətxor, saxtakarlıq yoluyla mənimsəmələrdə və ikrah doğuran dələduzluqda tayları-bərabərləri olmayan şəxslər kimi xarakterizə olunması, Vətən təəssübü çəkən hər kəsdə, məyusedici təəssüf hissləri də yaradır.
Əli HÜSEYN,
Nadir HƏSƏNLİ,
araz.az xəbər portalının xüsusi müxbirləri.
- Bakcell çempion şahmatçı Ülviyyə Fətəliyevanı təbrik etdi - Fotolar
2 may 2024 21:18
- Gecə-gündüz QARANLIQ və ÇİRKAB işlərə bulaşan Gündüz Əliyev kimdir – Fərəcovun “sağ əli”nin milyonluq cinayətləri...
2 may 2024 17:51
- Ölkədən 6 MİLYARD pul çıxarıb ? ŞOK
2 may 2024 14:13
- Kartıma köçürdüyüm maaşdan 134 mini icra başçısına vermişəm - Seymur Orucovun qohumu həbs edildi
1 may 2024 22:04
- Sumqayıt İcra Hakimiyyətində Gündüz Əliyevlə Adil Xudadatov arasında başlanan çəkişmənin GİZLİN SƏBƏBLƏRİ
1 may 2024 16:13
- Nazir ölkəyə yeni baş notarius təyin etdi (ÖZƏL)
30 aprel 2024 21:40
- Azərbaycanlı milyarder əfv edildi - Edam cəzası verilmişdi
30 aprel 2024 19:48
- Bakcell ilə innovasiya dövrü başladı!
30 aprel 2024 11:50
- Nəcməddin Sadıkovun verdiyi 800 mini çatdırmışam
29 aprel 2024 18:15
- Yeni icra başçısı Ovni Muradov kimdir?
29 aprel 2024 17:58
- Ramiz Mehdiyevin kürəkəni məhkəmədə 3 milyonluq MMC-ni 1 qara qəpiksiz almışam dedi, videoçəkilişi gizlətdilər
02 may 22:16
- Bakcell çempion şahmatçı Ülviyyə Fətəliyevanı təbrik etdi - Fotolar
02 may 21:18
- Dramatirix Hüseynbala Mirələmova Türkiyənin xüsusi mükafatı təqdim edildi (FOTO)
02 may 18:19
- Gecə-gündüz QARANLIQ və ÇİRKAB işlərə bulaşan Gündüz Əliyev kimdir – Fərəcovun “sağ əli”nin milyonluq cinayətləri...
02 may 17:51
- Ölkədən 6 MİLYARD pul çıxarıb ? ŞOK
02 may 14:13
- Prezident BMT Baş katibinin xüsusi müşavirini qəbul etdi
02 may 12:44
- Füzuli şagirdləri üçün NAR-dan gözəl hədiyyə
02 may 12:32
- Sənədsiz evlərlə bağlı yenilik (VİDEO)
02 may 10:47
- Həmid Herisçi AYB-nin üzvü oldu
02 may 10:36
- Musabəyov, bir gün Başkənddə döyüşsəydin, bu sözü deyə bilməzdin... Etibar Əmiraslanov
01 may 22:28
- Vitse-spiker Adil Əliyev Ukrayna Ali Radasının vitse-spikeri ilə görüşüb - FOTO
01 may 22:21
- Kartıma köçürdüyüm maaşdan 134 mini icra başçısına vermişəm - Seymur Orucovun qohumu həbs edildi
01 may 22:04
- Prezident İraq Parlamentinin sədrini qəbul etdi
01 may 21:56
- Qubad İbadoğlunun yaşayış yerini dəyişməsinə icazə verildi
01 may 19:15
- Ramin İsayevin məhkəməsində insident yaşanıb....
01 may 19:01
- İlham Əliyev Rusiyanın Şimali Qafqaz regionunun müftilərini qəbul etdi
01 may 15:55
- Sumqayıt İcra Hakimiyyətində Gündüz Əliyevlə Adil Xudadatov arasında başlanan çəkişmənin GİZLİN SƏBƏBLƏRİ
01 may 15:50
- Sabah DEPUTAT Ramin Məmmədovla bağlı iclas keçiriləcək
01 may 15:24
- Rasim Tağıyevin oğlu həbs edildi
01 may 15:18
- 100 uşağı öldürən həkimin Azərbaycanda gizli əməlləri - VİDEO
01 may 11:53
- Bakıda beynəlxalq forum keçirilir: Prezident çıxış edib (YENİLƏNİB)
01 may 11:45
- Nəcməddin Sadıqovun həbsinə HAZIRLIQ BAŞLADI!
01 may 09:37
- Nazir ölkəyə yeni baş notarius təyin etdi (ÖZƏL)
30 aprel 21:40
- Azərbaycanlı milyarder əfv edildi - Edam cəzası verilmişdi
30 aprel 19:48
- NAR rabitə sahəsinin peşəkarlarını hazırlayır - Fotolar
30 aprel 19:29
- Şəhərin 85 faizi azərbaycanlıdır, amma bir TV-miz belə yoxdur- Sabiq deputat
30 aprel 19:20
- Əməliyyat keçirilən qurumun rəisi kimdir?
30 aprel 16:19
- Mayın ilk gününün havası
30 aprel 13:17
- Sex qızıllarını İtaliya və Türkiyə məmulatı adı ilə satırmışlar - Moskva Univermağında əməliyyat
30 aprel 12:00
- Bakcell ilə innovasiya dövrü başladı!
30 aprel 11:50