Cənab Prezident! Pirverdiyev Mingəçevir SES-i partladacaq

Cənab Prezident!

Mən hələ illər öncə yazmışdım ki, müstəqil Azərbaycan dövlətinə təhlükə Şərqdən, Qərbdən, mifik İrandan-Turandan-Rusiyadan, vəhabidən-sələfidən-yevangelistdən öncə  Azərbaycan məmurundan gəlir.

Möhtərəm Prezident!

Sözün qısası, mən Mingəçevir SES-in Azərbaycan dövləti üçün  əhəmiyyətini və təhlükəsini anlayıram.

Bilirəm ki, əgər bənd yarılarsa, 18 rayon  tam və ya qismən su altında  qalır. İlkin dalğanın hündürlüyü 70 m-ə çatır. Mingəçevirin özü 4 dəqiqədən sonra relyefindən asılı olaraq 10-11 m suyun altında qalır.

1997-ci ildə də oxşar hadisə baş vermişdi.

Cənab Prezident!

Bu gün kimlərsə bu məsələdə xarici kəşfiyyat-filan izini axtarır. O da ola bilər. Amma əsas problem Sizin ətrafınızdır.

Cənab Prezident !

İllərdir Azərbaycanda “Mazut  mafiyası” deyilən cinayətkar şəbəkə fəaliyyət göstərir.

Siz  özünüz peşəkar kommersant olduğunuz üçün bunu uzun-uzadı izah etməyə ehtiyac yoxdur.

Bilirsiniz ki, mazut və su enerjisi arasında milyonlarla fərq var. Azərnerji-nin istehsal etdiyi enerjinin  yetərli hissəsi kağız üzərində mazut göstərilsə də, əsilində Mingəçevir SES-in hesabına bu milyonlar silinir, yəni SES  istehsal gücündən dəfələrlə artıq zorlanır. Ortada Etibar Pirverdiyev  100 milyonlar qazanır. Mütəxəssislər bunu açıq deməyə  qorxur. SES-in platinaları  lərzəyə gəlir və hər dəqiqə  partlaya bilər.

Möhtərəm Prezident!

Çox vaxt Mingəçevir SES-in ermənilər tərəfindən təhlükəyə məruz qalacağı ilə bağlı fikirlər mətbuatda yer alır.

Mən əminəm ki, şanlı Azərbaycan Ordusu Mingəçevir SES-i ermənilərdən qorumaq gücündədir.

Düşünürəm ki, Mingəçevir SES-i  ermənilər deyil, bizim məmurlar , daha doğrusu, Etibar Pirverdiyev partladacaq. 

NUH.az-ın baş   redaktoru Kamran Məhərrəmli