“AzTV-də Almaniyanı məhvə sürükləməməliyik” – Elçin Şıxlı
AzTV-də sədr dəyişikliyi, ixtisarlar, yeni təyinatlar, kanalın bəzi ölkələrdəki bürolarının bağlanması hazırda ölkə mətbuatında ən çox tirajlanan xəbərlərdəndir. Tanınmış ziyalılar da bu mövzuda açıqlamalar verir, AzTV-ni necə görmək istəmələri ilə bağlı fikirlərini bölüşürlər.
Çapı dayanmış “Ayna” və “Zerkalo” qəzetlərinin təsisçisi və baş redaktoru, Azərbaycan Jurnalistlər Birliyinin sədri Elçin Şıxlı Yeniavaz.com saytının suallarını cavablandırıb.
– Elçin müəllim, AzTV ilə bağlı saytlarda yayılan məlumatları yəqin siz də izləyirsiniz. Aparılan kadr islahatları, ixtisarlar sizcə, AzTV-də nəyisə dəyişəcəkmi, necə bir dəyişiklik olmasını istəyərdiniz?
– Sözün doğrusu, mən nə dəyişilən kadrları tanıyıram, nə də təzə gələnləri. Ona görə də şəxsi müstəvidə heç nə deyə bilmərəm. Ancaq onu da söyləməliyəm ki, AzTV-də nəyinsə dəyişilməsi üçün gərək köklü dəyişikliklər olsun. Əsas da informasiyanın və ümümiyyətlə, televiziyanın fəlsəfəsində dəyişiklik olmalıdır.
– Necə bir dəyişiklik?
– İnformasiya yalan olmamalıdır, hər gün Almaniyanı məhvə sürükləməməliyik, Amerikanın bataqlığın dibində olduğunu yalandan söyləməməliyik, özümüzü İsveçrə ilə müqayisə etməməliyik. Yalan olmamalıdır, əsas budur. İnsanlara düzgün informasiya çatdırmaq lazımdır ki, onlarda maraq olsun. AzTV dövlətin televiziyasıdır, dövlətin informasiya siyasətində dəyişiklik edilməlidir. Ən ali məmurlar kütləvi informasiya vasitələrinin özü ilə deyil, informasiya ilə işləməlidirlər. Yəni tutalım Elçinlə, yaxud hansısa Pərvizlə dost olmaq, onu öz tərəfinə çəkmək lazım deyil. Dövlətin maraqlarına uyğun şəkildə informasiyanı təqdim etməyi bacarmaq lazımdır. Bunun üçün savad, həvəs, dərrakə, intellekt lazımdır. Bu olmayan yerdə AzTV-də istəyirsiniz hamını qovun, sonra yerinə təzələrini götürün, heç nə dəyişməyəcək.
– Elçin müəllim, AzTV ilə İTV-nin birləşdirilməsini təklif edənlər də var. Bu barədə siz nə düşünürsünüz?
– Əgər bu kanallar birləşəcəksə, onda ictimai yayım olmalıdır. Biz Avropa Şurasına daxil olanda onların ictimai yayımla bağlı şərtləri var – ona razılıq vermişik. Onda gərək dövlət televiziyası məfhumu ümumiyyətlə aradan qaldırılsın, ictimai yayım olsun. Mən düşünürəm ki, iki kanalı birləşdirib bir eləməyin heç bir mənası yoxdur. Azərbaycanda onsuz da kanalların sayı hətta qonşu ölkələrlə müqayisə edəndə olduqca azdır. Kanalların çox olmasının mənfi cəhəti yoxdur, sadəcə olaraq keyfiyyət olmalıdırlar. Əgər dövlət televiziyası anlayışı, məfhumu ümumiyyətlə aradan qaldırılacaqsa, onda 2 ictimai televiziyamız olsa, pis olmaz, vacib deyil ki, onları birləşdirəsiniz. Almaniyada da 2 ictimai kanal var. Onların baş xəbərləri efirə veriləndə eyni olur, amma digər verilişlər – “dəyirmi masa”lar, filmlər, proqramlar ayrı-ayrı yayımlanır.
– Elçin müəllim, sonuncu dəfə AzTV-yə nə vaxt baxmısınız?
– Ümumiyyətlə, bizim kanallara demək olar baxmıram. AzTV-yə baxmağım yadıma gəlmir. Açığı, Rusiya telekanallarına da baxa bilmirəm, çünki 2-3 ildir ancaq Ukraynanı söyürlər. Mən ancaq idman və təbiət haqqında proqramları izləyirəm. Təbii ki, xəbərlərdən xəbərim var, xəbərləri izləyirəm. Digər proqramlar isə mənim üçün maraqlı deyil. Müəyyən informasiyanı təbii ki, alıram, amma o kanalların təqdim elədiyi şəkildə yox. Belə deyək, kimisə aldatmaq olar, lakin məni informasiyanın doğru və ya yalan verilməsi nöqteyi-nəzərindən aldatmaq çətindir.
– Bəs xəbərin doğruluğu baxımından dəqiqləşdirməni necə aparırsınız?
– Bir neçə mənbədən baxırsan ki, kim nə yazır, müqayisə edib ortaq bir məxrəcə gəlirsən. Televiziyaya baxanda nə isə yeni bir şey öyrənməlisən, televiziyaya baxanda yalan yox, doğrunu bilmək istəyirsən, televiziyaya çıxarılan insanların boğazdan yuxarı danışığını və yaltaqlıq elədiyini görəndə adamın ürəyi bulanır və ona görə tez kanalı çevirirsən və yaxud televizoru söndürürsən. İnsanların böyük əksəriyyəti – o cümlədən mən də informasiyanı televiziyadan yox, sosial şəbəkələrdən alırıq. Amma onlara da tam inanmaq olmur, çünki sosial şəbəkədə informasiya ötürən adamların hamısı peşəkar jurnalistlər olmadıqları üçün bir çox hallarda şişirtmələr də olur, yanlış informasiyalar da. Tək Azərbaycanda deyil, Rusiyada və Türkiyədə də bir çox hallarda əsl peşəkarlar, sözünü düzgün demək istəyən adamlar sosial şəbəkələrə keçiblər. Sosial şəbəkədə öz sözünü deyən adamların bir qismi də peşəkar deyil. Buna görə onların dediyini də mən çox dinləyə bilmirəm. Bir-iki dəqiqə mənə kifayət edir ki, onların videolarına baxım, ya baxmayım. Vəziyyət belədir.
– Elçin müəllim, sualım bir az qəribə səslənməsin, amma istəyərdim biləm – AzTV rəhbərliyindən iş təklifi gəlsə, qəbul edərsinizmi?
– Etmərəm. Nəyə görə? Çünki mən televiziya üzrə ixtisaslaşmamışam. Mənə desəydilər kimi təklif edərsən – dostlarım, yaxınlarım olduğuna görə demirəm – Qulu Məhərrəmli və İbrahim Nəbioğlunu məsləhət görərdim. Çünki ömürlərini televiziyaya həsr ediblər və hər halda bu kanalı necə inkişaf etdirmək lazımdır, hansı istiqamətə yönəltmək lazımdır, məndən daha yaxşı biləcəklər. Mənə desələr AzTV-yə gəl, getmərəm. Ona görə ki, televiziya mütəxəssisi deyiləm, həm də bayaq dediyim əsas məsələ – əgər düzgün informasiya çatdırmaq imkanı olmayacaqsa, o yerdə mən yoxam.
- Azərbaycanı Naxçıvanla birləşdirəcək yoldan görüntülər (VİDEO)
7 may 2024 08:55
- Elçin Quliyev III Çarlzla bir arada - Fotolar
7 may 2024 00:25
- Onlar belə yetişdirilir... - Xüsusi təyinatlıların təlimindən
10 aprel 2024 11:25
- Bakıda yeni yolun üstünlükləri nələr olacaq? (TƏFƏRRÜAT)
7 aprel 2024 19:21
- "Xoxan" Zərdüşt Əlizadə: "Prezident ola bilərdim, xalq kal, onlar isə Şeyx Nəsrullah idi" (MÜSAHİBƏ)
29 mart 2024 16:26
- 1970-ci ildə Bakıda qeyd olunan Novruz şənliyindən görüntülər (VİDEO)
25 mart 2024 09:51
- Bu gün İsmayıl Şıxlının 105 yaşı tamam olur
22 mart 2024 12:35
- 17 əsgərin faciəvi ölümü Ermənistanı qarışdırdı – VİDEO
17 mart 2024 15:55
- Prezidentin general-mayor rütbəsi verdiyi Elçin Məmmədov kimdir?
11 mart 2024 21:12
- Ərləri məmur olan məşhurlarımız (FOTO/SİYAHI)
10 mart 2024 16:54
- Prezident bu qurumun ləğv edilməsinin vaxtı çatdığını bildirir
15 may 13:22
- Bakcell F1 Star Azərbaycanda ən sürətli fiber internetini təqdim edir
15 may 13:11
- Prezident qəbul keçirdi - Fotolar - Yenilənib
14 may 13:17
- Zakir Fərəcov korrupsiyaya bulaşanları niyə qoruyur
14 may 13:00
- Anası ayrılmaq istəyib, məşqçi də hirsini Fəriddən çıxıb – Şahid DANIŞDI
13 may 11:42
- Prezident qəbul keçirdi - Fotolar
13 may 11:13
- Prezident məni bağrına basdı, çox həyəcanlı idim - Fotolar
12 may 12:09
- Zakir Fərəcov məhkəməyə verildi
11 may 19:34
- Ziba Osmanova iki azyaşlını maşınla vurdu
11 may 19:18
- Ramiz Tahirov vəzifəsindən azad olundu - Foto
11 may 16:54
- Güllələnən icra başçısının qızına da Şuşada ev verildi - Foto
11 may 16:39
- Prezident Füzulidə açılış etdi - Fotolar - Yenilənib
10 may 16:17
- Müşfiq Atakişiyevə 14 il 6 ay həbs cəzası verildi
10 may 16:10
- İnsan dərisindən əşya hazırlayan, məhbuslara cəhənnəm əzabı yaşadan ər-arvad (VİDEO)
10 may 12:27
- Prezident Zakir Fərəcovla Gündüz Əliyevin işini nəzarətə götürsə... - Sahibkarlar xahiş etdi
10 may 12:20
- Prezidentlə xanımı Heydər Əliyevin məzarını ziyarət etdi - Fotolar
10 may 12:00
- Sənədsiz evi olanlara şad xəbər
09 may 23:29
- Rusiya sərhədçiləri Ermənistanın hansı bölgəsində qalacaq?
09 may 23:20
- Alman ayaqqabısı - Daşqın Məmmədovun hekayəsi
09 may 23:03
- Prezidentlə xanımı Həzi Aslanovun məzarını ziyarət etdi
09 may 12:11
- Bu ölkədə ilk dəfə qadın prezident seçildi
09 may 12:06
- Azərbaycanda Qələbə Günü qeyd olunur
09 may 11:57
- Bakıda kanalizasiya daşdı, evlər su altında qaldı - Video
08 may 16:23
- Azərbaycanda yeni idman növü yaradıldı
08 may 12:50
- Prezidentlərin geniş tərkibdə görüş keçirilir (YENİLƏNİB)
08 may 12:25
- İşdən çıxarılan məşhur cərrah danışdı
08 may 10:22
- Hitlerin dağıdılmış bazasında tapılan qolları və ayaqları olmayan skeletlər arxeoloqları dəhşətə gətirdi (FOTO)
08 may 00:22
- Bolqarıstan Prezidenti Azərbaycandadır
07 may 20:42
- Putin and içdi - Video - Yenilənib
07 may 16:18
- Novruz Məmmədov vəzifəsindən azad edildi
07 may 15:58