Professordan yubiley təbriki
Mədəniyyət5 fevral 2019 16:32
Bu gün Azərbaycan mədəniyyəti və ədəbiyyatının, teatr və kino sənətimizin ən parlaq simalarından olan Rüstəm İbrahimbəyovun 80 yaşı tamam olur. Bu münasibətlə professor Qulu Məhərrəmlinin öz feysbuk səhifəsində görkəmli sənətkara ünvanlandığı təbrikini diqqətinizə çatdırırıq.
“Zəmanəmizin görkəmli söz adamı, ssenarist, kinorejissor və dramaturq, Azərbaycanın kino və teatr sənətinin korifeyi, xalq yazıçısı, Oskar mükafatçısı Rüstəm İbrahimbəyovu 80 illik yubileyi münasibətilə ürəkdən təbrik edirəm!
R.İbrahimbəyov ictimai-kulturoloji fenomen kimi çoxşaxəli yaradıcılığı və sənət fəaliyyətilə özünü və dünyanı dərk edən hər bir azərbaycanlı üçün, bütövlükdə müstəqil ölkəmiz üçün qürur mənbəyi, ölkə mədəniyyətinin simasıdır. Təkcə bizdə deyil, keçmiş sovet məkanında bütöv bir nəsil onun kitablarında, bədii filmlərində və pyeslərində qabarıq şəkildə təcəssümünü tapmış fərqli düşüncə, ictimai əxlaq, insan azadlığı və fərdi ləyaqətin vacibliyi haqqında ideyalarla böyüyüb. Bu ideyaları əsərlərindəki çox adi obrazların sadə həyat həqiqətlərində əks etdirən R.İbrahimbəyov milli, ideoloji hüdudları yararaq dünya səviyyəsinə yüksələ bilib.
Müasir dövrümüzün ən böyük azərbaycanlılarından biri kimi R.İbrahimbəyovun parlaq yaradıcılıq uğurları, böyük ölkələrin ən nüfuzlu sənət mükafatlarına layiq görülməsi, populyar sənət festivallarının qalibi olması, adının dünyanın ən böyük kino xadimləri ilə yanaşı çəkilməsi, bu sahədə nüfuzlü söz sahibinə çevrilməsi hər birimizi qəlbən sevindirir. Bu gün Rusiya, ABŞ, Fransa, İtaliya, Almaniya, Polşa, Türkiyə, Gürcüstan, Qazaxıstan, Moldova kimi ölkələrdə R.İbrahimbəyovun sənətinə və şəxsiyyətinə göstərilən maraq onunla bağlıdır ki, Rüstəm müəllimin qələmindən çıxmış bədii əsərlər, ssenari müəllifi olduğu filmlər, pyeslər artıq bir xalqa deyil, dünya mədəniyyətinə məxsusdur. Bu mənada onun Fransanın ən yüksək Ədəbiyyat və Sənət Ordeninə layiq görülməsi, Türkiyənin "Altun portağal" ödülünü alması, Amerika kino akademiyasının üzvü olması, nüfuzlu beynəlxalq kino festivallarda münsiflər heyətində təmsil olunması, Rusiya və MDB kinematoqrafiya komitəsinə rəhbərlik etməsinin rəmzi mənası vardır.
R.İbrahimbəyovun ssenarisi əsasında çəkilmiş “Səhranın bəyaz günəşi”, “Sibir bərbəri”, “Günəşdən usanmışlar”, “Köçərilər” və s. məşhur filmlər dünya ekranlarında dəfələrlə nümyş etdirilərək ən yüksək mükafatlara layiq görülüb. Onun Eldar Quliyev və Rasim Ocaqovla çəkdiyi və Azərbaycan kinosunun qızıl fonduna daxil olmuş “Bir cənub şəhərində”, “Ad günü”, “İstintaq”, “Bağlı qapı” “Park”, “Özgə ömür”, “Ölsəm bağışla...”, “Qətldən yeddi gün sonra”, “Həm ziyarət, həm ticarət” kimi ideologiyadan uzaq filmləri milli kino sənətimizin üz ağlığı sayılan, mədəniyyət tarixində daim qalacaq sənət əsərləridir.
Dünyanın ən ustad və mahir dramaturqlarından biri olan Rüstəm İbrahimbəyovun qələmindən çıxmış pyeslər 100-dən çox ölkənin teatr səhnəsində tamaşaya qoyulub. Onun gözlənilməz dramatik konfliktlərlə yadda qalan “Qum üzərində ev”, “Bağlı qapı arxasında qadın”, “Kaliforniyada dəfn”, “Şirə bənzər” və s. pyesləri bu gün də tamaşaçıların qəlbini fəth etməkdədir.
Əlbəttə, Rüstəm müəllimin şöhrətin zirvəsinə gedən yolu heç də həmişə hamar olmayıb. Qeyri-standart düşüncə tərzi və ləyaqətli adamların başqalarından da ləyaqət umması kimi yanlışlıq ondan da yan keçməyib, zaman-zaman haqsızlıqların ağrısını yaşayıb. “Bir cənub şəhərində”n başlayaraq “İstintaq”a, “Ultimatum”a, və “Qafqaz üçlüyü”nə qədər sərt, bəzən də əcaib tənqidlərə məruz qalıb. Son illərdə isə özünün vətəndaş mövqeyinə görə kütləvi böhtan kampaniyalarına məruz qalmasına baxmayaraq böyük Rüstəm İbrahimbəyov öz mənəvi prinsiplərinə, öz həyat ideallarına və yaradıcılıq üslubuna daim sadiq qalıb.
Nə gözəldir ki, Rüstəm müəllim bu yaşında da gənclik enerjisi ilə çalışır, kino və teatr, bədii ədəbiyyat və publisitika sahəsində virtuoz uğurlar qazanmaqda davam edir. Mən bunu həm ona, həm də Rüstəm İbrahimbəyovu sevənlərə Allahın bir lütfü kimi qiymətləndiririr, yubilyarı bir daha təbrik edir, möhkəm cansağlığı və coşqun yaradıcılıq enerjisi ilə çalışmaqda davam etməsini arzulayıram!!
Hörmətlə: prof. Qulu Məhərrəmli
Oxşar xəbərlər
- Prezident Tənzilə Rüstəmxanlını təltif etdi - FOTO
21 mart 2024 23:00
- Səməd Vurğunun qeyri-adi DƏFNİ
21 mart 2024 21:47
- Ölkənin baş notariusu işdən çıxarıldı (FOTO)
19 mart 2024 16:24
- Məhəmməd Əmin Rəsulzadənin anım günüdür
6 mart 2024 11:27
- Putindən Ərdoğana ad günü təbriki
26 fevral 2024 20:57
- Mehriban Əliyevadan atasına yubiley təbriki
15 fevral 2024 14:22
- Bakıda Rüstəm İbrahimbəyovun ev muzeyi açılacaq
5 fevral 2024 12:17
- İlham Rəhimova qeyri-adi doğum günü təbriki: elə sirlər anons edildi ki...
14 yanvar 2024 17:09
- Yeni rektor kimdir?
12 yanvar 2024 18:43
- Səudiyyə Ərəbistanı nədən Atatürkə qarşı bu qədər aqressivdir? - Elbəyi Həsənlinin yazısı
30 dekabr 2023 01:23
Xəbər lenti
- Hitlerin dağıdılmış bazasında tapılan qolları və ayaqları olmayan skeletlər arxeoloqları dəhşətə gətirdi (FOTO)
08 may 00:22
- Bolqarıstan Prezidenti Azərbaycandadır
07 may 20:42
- Putin and içdi - Video - Yenilənib
07 may 16:18
- Novruz Məmmədov vəzifəsindən azad edildi
07 may 15:58
- İlham Əliyevin Robert Fitso ilə geniş tərkibdə görüşü başlayıb
07 may 14:24
- Bakıda 41 yaşlı prokuror yol qəzasında vəfat etdi
07 may 14:18
- Allahverdi İsrafilov və qohum-əqrəbası BakI Dövlət Sirkini zəbt edib…
07 may 12:14
- Direktor cərrahı işdən çıxardı, cəzalandırıldı
07 may 11:42
- Azərbaycanı Naxçıvanla birləşdirəcək yoldan görüntülər (VİDEO)
07 may 08:55
- Füzulidə dağıntıların miqyasını görəndə çox təsirləndim - ABŞ səfiri
07 may 02:11
- Sabiq qaçaq səfirin Ramiz Mehdiyevə gizli məktubu üzə çıxdı- SENSASİON ADLAR, ŞOK TƏLƏBLƏR
07 may 01:46
- Özbəkistanda ROBOT -POLISlər ilk dəfə küçəyə patrul xidmətinə çıxıb –VİDEO
07 may 01:30
- SSRİ xəritələrinə baxın: o ərazilər Azərbaycanındır - Tomas de Vaal
07 may 01:20
- Jurnalist Afət Telmanqızından sabiq səfirə SƏRT CAVAB- Satqın sözü sənə yaraşır
07 may 00:53
- Bakıda 17 min manata pişik satılır (VİDEO)
07 may 00:41
- 500 illik zavod görün hansı sirrin üstünü açdı
07 may 00:32
- Elçin Quliyev III Çarlzla bir arada - Fotolar
07 may 00:25
- Zakir Fərəcovla Gündüz Əliyevin 3 milyonluq yeyintisi - Prezidentə və Baş Prokurora DOSYE verildi
07 may 00:10
- Alimlər 2700 ildən çox yaşı olan Assuriya məbədinin sirrini açdı
04 may 22:25
- Şəkidə 59 yaşlı kişi iki nəfəri odlu silahla qətlə yetirdi
04 may 18:31
- İsa Qəmbər yenidən başqan seçildi - Yenilənib - Fotolar
04 may 17:23
- Tanışının qulağını dişlədi - Həbs olundu
04 may 13:39
- Adil Əliyevin ailəsinə ağır itki
04 may 12:01
- Bu gün İsa Qəmbər yenidən Müsavat başqanı ola bilər - Yenilənir
04 may 11:51
- Saqqallı tələbə QALMAQALI böyüdü- Təhsil eksperti od püskürdü -VİDEO
03 may 21:47
- Mircamal Həşimov yeni vəzifəyə TƏYİN OLUNDU
03 may 21:25
- Ölmüş adamla ailə qurmağa qanunla haqqı olan fransızlar - Elbəyi Həsənli Parisdən yazır
03 may 19:56
- COP29: Bakıda 70 min nəfərlik tədbir
03 may 18:53
- FHN nazirin bacanağına 295 minlik tender verdi...
03 may 18:30
- SON DƏQİQƏ! Kəlbəcərdən acı xəbər gəldi: Ölən və yaralananlar var
03 may 17:19
Video & Fotoqalereya
Video
Fotoqalereya