Direktor müəlliməni “kupalnik”ə görə qovmaq istədi

Rusiyanın Barnaul şəhərində maraqlı hadisə yaşanıb. “Qafqazinfo”nun “Moskovskiy Komsomoleç”ə istinadən verdiyi xəbərə görə, məktəblərdən birində rus-dili və ədəbiyyat fənni üzrə müəllimə işləyən Tatyana Kuvşinnikova həm də qış üzgüçülüyü ilə məşğul olur.

O, qış üzgüçülüyü üzrə müsabiqə zamanı çimərlik geyimində çəkilmiş şəklini sosial şəbəkədə paylaşdıqdan sonra bunu bəyənməyən valideynlərdən biri direktora şikayət edərək müəllimənin işdən azad edilməyini istəyib.

Tatyana Kuvşinnikova 

Direktor isə Kuvşinnikovadan istefa ərizəsini yazmağı tələb edib. Lakin daha sonra digər çoxlu valideyn narazılığından sonra o, işinə bərpa olunub.

Bu hadisədən sonra Rusiyanın müxtəlif şəhərlərindən olan müəllimələr Tatyanaya dəstək üçün fləşmob təşkil ediblər. Onlar “kupalnik”li fotolarını instaqramda paylaşaraq gənc müəllimənin yanında olduqlarını bildiriblər.