Hacıbala, yanına türməyə gələcəm...
Region10 aprel 2021 12:16
"Hacıbala Abutalıbov tezliklə həbs olunacaq, buna əminəm. Çıxıb açıqlama verib ki, ”mənim həbs olunmağını istəyənlər ürəyi bəd, qara olan insanlardır". Demək istəyirəm ki, sən qara yox, çirkin "moşennik”in birisən".
Bu sözləri xalq artisti, tanınmış kinorejissor-aktyor Şeyx Əbdül Mahmudbəyov "Yeni Müsavat”a danışarkən deyib.
Xalq artisti Bakı Şəhər İcra Hakimiyyətinin keçmiş başçısı Hacıbala Abutalıbovun özbaşınalığı ucbatından öz evindən məhrum olaraq, hazırda damda yaşadığını bildirib: "Bildiyiniz kimi, mənim Nəsimi rayon Mirzə Ağa Əliyev küçəsində yerləşən, həyəti parka açılan çox gözəl evim var idi. Mən orada böyüyüb-başa çatmışam. O məhəllədə köhnə bakılılar yaşayırdı. Bir sözlə, həmin məhəllə mənim üçün çox əziz və doğmadır. Lakin illər öncə həmn ərazidə ”Qış parkı" salınarkən milyonlar qazanmaq üçün başladılar orada tələsəm-tələsik parnik, dibçək ağacları basdırmağa. Həmçinin ərazinin yeraltı strukturları nəzərə almadan tikinti işləri aparılmağa. Halbuki həmin ərazi çökmələr, sürüşmələr var. Beləliklə, heç bir hazırlıq görmədən milyonlar qazanmaq üçün hər şeyi verdilər ekskavatorun, bulduzerin ağzına. Bir dəfə isə gecənin bir aləmində evimin düz yanında 8-9 metr yer qazıb, qaraj düzəltmişdilər. Nəticədə evim çökməyə başladı, sanki zəlzələ olmuşdu. Təsəvvür edin, bu qədər özbaşınalıq, məsuliyyətsizlik, qudurğanlıq olarmı?"
Xalq artisti qeyd edib ki, yaranmış vəziyyətlə bağlı dəfələrlə Hacıbala Abutalıbova müraciət etsə də, heç bir nəticəsi olmayıb: "Bununla bağlı şikayət edəndə Abutalıbov camaatın içində məni 100 dəfə öpüb-qucaqladı, ”iki balamın ölmüşünə, vicdan haqqı sənin evinlə bağlı problem həll olunacaq" dedi. Dediyi vaxtdan aylar keçdi, heç bir səs-soraq olmadı. Axırda mənə dedilər ki, "heç nə gözləmə, o nə deyirsə, həmişə yalan deyib, insanları yol verir”. Həmin ərazidə mənim kimi onlarla ailəyə bu cür vəd verilmişdi. Nəhayət ki, aylar sonra onun qəbuluna düşdüm və yenə də məni qucaqlayıb, öpdü, dedi ki, "sənə nə deyirlərsə yalandır, bir həftəyə vicdanım haqqı, balalarımın ölmüşünə düzələcək”. Dedim ki, Hacıbala müəllim, sənin balaların sənin statusun deyil, sənin statusun sənin vəzifəndir, dağıtdığın evlərdir. Aylar keçdikcə evimin divarındakı çatlar getdikcə artmağa, kommunikasiya xətlərində problemlər yaranmağa başlamışdı. Bir sözlə, evdə yaşamaq getdikcə daha da təhlükəli vəziyyətə düşürdü. Və sonda nə baş verdiyini də bilirsiniz, evim uçmuşdu. İşi belə görüb, Nəsimi Rayon Məhkəməsinə müraciət etdim. Bununla bağlı komissiya yaradıldı, hər şey nəzərdən keçirilib, araşdırıldı və məhkəmə mənim xeyrimə qərar qəbul etdi. Abutalıbov isə məhkəmənin çıxartdığı qətnaməni icra etmək əvəzinə Apelyasiya Məhkəməsinə şikayət verdi.
Apelyasiya Məhkəməsi yenə də mənim xeyrimə qərar çıxartdı, hələ üstəlik Abutalıbova 10 min manat dəyərində təzminat yazdı. O da ərinmədən işi verdi Ali Məhkəməyə. Hakim işə baxdı, məəttəl qaldı. Dedi ki, "bəyəm Abutalıbovun səninlə ədavəti var ki, bu cür haqsızlıq edib?” Dedim ki, yox, mənimlə görüşəndə az qala ağız-ağıza öpüşür. Ali Məhkəmə də mənim xeyrimə qərar çıxartdı. Lakin məhkəmələrin qərarları icra edilmədi. Məsələ düz 7 il davam etdi. Onda dedim ki, Abutalıbov, bütün bu cinayətlərinə görə bir gün həbs olunacaqsan, onda türməyə sənin yanına gələcəm və məhkəmədə sənin əleyhinə ilk şahid kimi iştirak edib, hər şeyi danışacam. İndi də bu sözləri təkrar edirəm. Onun boynunda hələ də mənim haqqım var və o mənim haqqımı verməlidir".
Xalq artistinin sözlərinə Hacıbala Abutalıbov adıçəkilən ərazini zamanında özəl MTK-ya satıb: "Onlar da bir-bir insanları razılığa gətirərək, ərazidən köçürməyə başladılar. Lakin tikinti yarımçıq qalıb, dayandırıb. Məlum olub ki, Abutalıbov onlara səhv qətnamə verib. Onları nə günahları var, pullarını verib, yer alıblar. 50-60 ailəni oradan öz hesablarına köçürüblər. Camaat məsələ ilə bağlı yığışıb, Prezident Administrasiyasının qarşısına gedirdi. Onda MTK üzvləri camaatı sakitləşdirdilər və böyük bir etiraz aksiyasının qarşısını aldılar.
Mən indi "Karlson” kimi damda yaşayıram. Azərbaycanın xalq artisti, Dövlət Mükafatı laureatı, əməkdar incəsənət xadimi, Respublika Baş Kino Mükafatı laureatı, Rejissorlar Gildiasının vitse-prezidenti, Əsilzadələr Cəmiyyətinin ağsaqqalı hazırda "krişada” yaşayır. Bir daha qeyd edirəm ki, köçürəndə vəd verdilər ki, tezliklə evlərimizin yerində yeni evlər tikiləcək və biz ora köçürüləcəyik. Biz də buna görə razılıq verdik və əmin olmuşduq ki, geri qayıdacağıq. Mən yenidən öz doğma məhəlləmdə yaşamaq istəyirəm və bunu tələb edirəm. Abutalıbova demək istəyirəm ki, sən kişi deyilsən. Əgər kişi olsaydın, bu qədər cinayətlərinə görə özünü öldürərdin. Hazırda həbs olunanlar cinayətkar deyil, onlar buraxılmalıdır. Əsl cinayətkar Abutalıbovdur və azadlıqdadır".
Xatırladaq ki, bugünlərdə Hacıbala Abutalıbovun keçmiş müavini olmuş, Bakı Şəhər İcra Hakimiyyətinin (BŞİH) keçmiş Aparat rəhbəri Rasim Quliyev həbs olunub. R.Quliyevə Cinayət Məcəlləsinin iki maddəsi -314-2.3-cü (Qanunla müəyyən olunmuş qaydaları pozmaqla torpaq sahələri ayırma, yaxud tikinti və ya quraşdırma işlərinin aparılmasına icazə vermə) və 308.2-ci (Vəzifə səlahiyyətlərindən sui-istifadə) maddələri ilə ittiham irəli sürülüb. Məlum olub ki, o, Nəsimi rayonu, Dilarə Əliyeva küçəsi 141 ünvanında yerləşən yaşayış binalarının, habelə yerli əhəmiyyətli mədəniyyət abidəsi kimi dövlət tərəfindən mühafizə olunan yaşayış evinin sökülməsi və yeni yaşayış binalarının tikintisinə dair "FF-2011" Mənzil Tikinti Kooperativinə qanunsuz icazə verib. Sakinlər köçürülmələri təmin edilmədən binada söküntü işləri aparılmasına dair müxtəlif instansiyalara, o cümlədən Baş Prokurorluğa dəfələrlə müraciət göndəriblər. Lakin ekspertlər bildirir ki, Rasim Quliyev öz rəhbərindən, yəni Abutalıbovdan icazəsiz hər hansı bir addım ata bilməzdi və onun tapşırığı ilə tikintinin aparılmasına dair sənədlərə qol çəkib. Bu baxımdan Abutalıbovun da tezliklə həbs oluna biləcəyi haqda iddialar səsləndirilir.
Ötən gün isə bir sıra mətbuat orqanlarında Abutalıbovun artıq həbs olunduğu haqda məlumatlar yayılmışdı. Lakin Abutalıbov barəsində yayılan xəbərləri uydurma adlandırıb: "Bəzi jurnalistlər özündən uydurur bunu. Gördüyünüz kimi, indi sizinlə danışıramsa, deməli, həbs olunmamışam. Mənim həbs olunmağımı istəyənlər ürəyi bəd olan insanlardır”.
Oxşar xəbərlər
- Ölmüş adamla ailə qurmağa qanunla haqqı olan fransızlar - Elbəyi Həsənli Parisdən yazır
3 may 2024 19:57
- Nəcməddin Sadıkovun verdiyi 800 mini çatdırmışam
29 aprel 2024 18:15
- Xadimə məktəb direktorunu niyə bıçaqlayıb?
25 aprel 2024 11:07
- 2300 maaşım idi, ayda 15 min manat paket alırdım - Sabiq nazir
16 aprel 2024 09:45
- Diş ağrısı ilə yatıb 32 il sonra oyandı
25 mart 2024 13:47
- Xalq artisti - Dedi ki, sizə erməni pasportu düzəldək və Ermənistanda heykəlini ucaldaq
20 mart 2024 14:16
- Əhmədin Kreml sərgüzəşt-ləri – Çörçillin oğlu ilə mübahisə edib və...
17 mart 2024 17:43
- Bakı xəstəxanalarından oğurluq: Həkimlərin brilyant üzüyü, pulları, əl çantaları aparılıb
13 mart 2024 09:44
- Sumqayıtda 10 milyonluq ZƏMANƏT qalmaqalı: Başçı və sağ əli borcu necə qaytaracaq?
12 mart 2024 16:07
- Fəhlənin işi müğənnidən yüngüldür, biz çox zülm çəkirik
9 mart 2024 21:32
Xəbər lenti
- Saqqallı tələbə QALMAQALI böyüdü- Təhsil eksperti od püskürdü -VİDEO
03 may 21:47
- Mircamal Həşimov yeni vəzifəyə TƏYİN OLUNDU
03 may 21:25
- Ölmüş adamla ailə qurmağa qanunla haqqı olan fransızlar - Elbəyi Həsənli Parisdən yazır
03 may 19:56
- COP29: Bakıda 70 min nəfərlik tədbir
03 may 18:53
- FHN nazirin bacanağına 295 minlik tender verdi...
03 may 18:30
- SON DƏQİQƏ! Kəlbəcərdən acı xəbər gəldi: Ölən və yaralananlar var
03 may 17:19
- Cahangir Hacıyev aclıq aksiyasına başladı
03 may 13:17
- Prezident Səudiyyə Ərəbistanının energetika nazirini qəbul etdi
03 may 12:58
- Zakir Fərəcov – Gündüz Əliyev cütlüyünün ağılasığmaz cinayət əməlləri – Prezidentə MÜDHİŞ faktlar
03 may 12:45
- Komitə İRŞAD-dan kompüter aldı, özünü dərdə saldı — FAKT
03 may 12:39
- İndiki nazirlərin çoxunu tanımıram - Elmar Məmmədyarovla müsahibə
03 may 11:51
- Ramiz Mehdiyevin kürəkəni məhkəmədə 3 milyonluq MMC-ni 1 qara qəpiksiz almışam dedi, videoçəkilişi gizlətdilər
02 may 22:16
- Bakcell çempion şahmatçı Ülviyyə Fətəliyevanı təbrik etdi - Fotolar
02 may 21:18
- Dramatirix Hüseynbala Mirələmova Türkiyənin xüsusi mükafatı təqdim edildi (FOTO)
02 may 18:19
- Gecə-gündüz QARANLIQ və ÇİRKAB işlərə bulaşan Gündüz Əliyev kimdir – Fərəcovun “sağ əli”nin milyonluq cinayətləri...
02 may 17:51
- Ölkədən 6 MİLYARD pul çıxarıb ? ŞOK
02 may 14:13
- Prezident BMT Baş katibinin xüsusi müşavirini qəbul etdi
02 may 12:44
- Füzuli şagirdləri üçün NAR-dan gözəl hədiyyə
02 may 12:32
- Sənədsiz evlərlə bağlı yenilik (VİDEO)
02 may 10:47
- Həmid Herisçi AYB-nin üzvü oldu
02 may 10:36
- Musabəyov, bir gün Başkənddə döyüşsəydin, bu sözü deyə bilməzdin... Etibar Əmiraslanov
01 may 22:28
- Vitse-spiker Adil Əliyev Ukrayna Ali Radasının vitse-spikeri ilə görüşüb - FOTO
01 may 22:21
- Kartıma köçürdüyüm maaşdan 134 mini icra başçısına vermişəm - Seymur Orucovun qohumu həbs edildi
01 may 22:04
- Prezident İraq Parlamentinin sədrini qəbul etdi
01 may 21:56
- Qubad İbadoğlunun yaşayış yerini dəyişməsinə icazə verildi
01 may 19:15
- Ramin İsayevin məhkəməsində insident yaşanıb....
01 may 19:01
- İlham Əliyev Rusiyanın Şimali Qafqaz regionunun müftilərini qəbul etdi
01 may 15:55
- Sumqayıt İcra Hakimiyyətində Gündüz Əliyevlə Adil Xudadatov arasında başlanan çəkişmənin GİZLİN SƏBƏBLƏRİ
01 may 15:50
- Sabah DEPUTAT Ramin Məmmədovla bağlı iclas keçiriləcək
01 may 15:24
- Rasim Tağıyevin oğlu həbs edildi
01 may 15:18
Video & Fotoqalereya
Video
Fotoqalereya