AZAD QARADƏRƏLİ QUYRUQ DOĞDU

AZAD QARADƏRƏLİ
QUYRUQ DOĞDU,
yaxud quyruq dondu deyimlərinə bir ötəri baxış
Kamran Məhərrəmliyə
Bu barədə, bir neçə dəfə yazmışam, radioda dönə-dönə veriliş hazırlamışam deyə, çalışacağam ki, məsələni qısa kəsim.
Radioda yeni işləyən vaxtlarım idi. Baş redaktorumuz Eldar Baxış xəstələnmiş, xəstəxanaya düşmüş, sonra da o məşum zəhərlənmədən vəfat etmişdi. Bir növ başsız qalmışdıq. Müvəqqəti də olsa, baş redaktorun vəzifəsini müavin Qaçay Köçərli icra edirdi.
Bir gün Qaçay müəllim bizi toplayıb bir neçə məsələdən danışdı, sonra elan etdi ki, bəs, indiyə qədər səhv yazmışıq, “quyruq doğdu” deyil, “quyruq dondu” olmalıdır və bu barədə fikri qətidir. Qarşıdan quyruq doğan günlər gəlirdi və tapşırdı ki, uşaqlara bu barədə səhih məlumat verin.
Hamı mənə baxdı. Yəni, sən nə düşünürsən?
Qaydaya görə, baş redaktorun vəzifəsini icra edənin dediyini müzakirə etmirlər. (Yəni bizim ölkədə belə bir xəstəlik hökm sürüb, sürür və sürməkdədir: rəhbər desə ki, qatıq qaradır, sən denən lap zil qaradır. Türkiyə türkləri demişkən, malesef, bu yolxucu xəstəlik karona virusdan da qorxuludur və elə onun kimi yayğındır.)
Mən isə bildirdim ki, “quyruq doğdu” bir xalq sözüdür və min illərdir ki, bütün türk xalqlarında bu gələnək var. “Quyruq doğdu” adi deyim deyil, bir astronomik vahiddir: quyruq doğanda, yəni avqustun 6-da yay yarı olur. İlk balı onda süzürlər, küləşi tarladan yığışdırır, yay şumu aparırlar. Axar sular sərinləyir, gecələr otların üzərinə şeh düşür. Quzuları qırxar, yaylaqdan bir az aşağılara enmək hazırlığı aparılır. Deyilənə görə, quyruq doğandan sonra dəvələr yaylaqda üzü arana yatarlar... O ki qaldı “quyruq dondu” deyiminə, bu, sadəcə, onun izahlarından biri ola bilər və s... Hə, bir də Firidun bəy Köçərli, Həsən Bəy Zərdabi kimi mütəfəkkirlərimiz “Quyruq doğdu” yazıblar, elə bilirəm ki, biz də bu cür yazmalıyıq...
Müzakirə böyük mübahisəyə səbəb oldu, sonra da az qala qanqaraçılığına dönəcəkdi...
Allah Qaçay müəllimə rəhmət etsin. Özünəməxsus şeirlər yazardı, baxmayaraq ki, şeir estetikası baxımından baxışlarımızda fərqlər vardı, amma kişinin də klassik üslubu və müəyyən dairədə oxucuları mövcud idi. Və o romantika dolu 90-lardan gəlmə bir yaxşı adət vardı ki, yeni sözlər yaratmaq, əcaib söz və ifadələrdən qurtulmaq, rus və ərəb dillərindən gəlmə bir çox ağır ifadələrə əlvida demək kimi mətləblər də daxil, hər deyimə şübhə ilə baxır, yenisini yaratmağa cəhd edirdilər. Bunlar yaxşı hal olsa da, bəzən aşırı romantika üzündən səhvlərə də aparıb çıxarırdı...
(Açığı, o inqilabi-romantika dolu günlərin xiffətini hərdən çəkirəm. Nə olaydı, bir gün hamımızı yığıb deyəydilər ki, milli soyadlarımızı bərpa edirik, sabahdan hamı –ov, -yev şəkilçisi əvəzinə -lı,-li,-lu, -lü soyadına keçir! Və bir də deyəydilər ki, sabahdan dilimiz Azərbaycan türk dili adlandırılır! Və bir də...)
Bir neçə gün sonra mənim uşaqlar üçün yazdığım bir neçə kiçik hekayəni rəhmətlik Əhəd Muxtar “Şəhriyar” qəzetində çap etmiş, mənə də bir nüsxə qəzet və müəyyən miqdarda qonarar da gətirmişdi. O, qəzetdən birini də Qaçay müəllimə verib getdi. Kişi qəzeti vərəqlədi və mənim uşaqlar üçün yazdığım “Məhsətinin nağılları” silsiləsindən hekayələri, o cümlədən “Quyruq doğdu” hekayəmi oxudu, bir siqaret yandırdı, bir qədər dəhlizdə gəzişdikdən sonra içəri girib əlini mənə uzatdı, dedi:
-Sən haqlısan. “Quyruq doğdu” olmalıdır. Bu hekayəni “Günlərin bir günü” verilişinə salacam...
(“Günlərin bir günü” uşaqlar üçün ədəbiyyat proqramı idi və Qaçay müəllim yazır, o vaxt balaca uşaq olan Bəxtiyar Səxavətoğlu – mərhum müğənni Səxavətin oğlu - aktyorlardan biri ilə aparırdı.)
İçimdə bir fərəh vardı. Ona görə yox ki, məndən yaşlı adamı fikrindən döndərə bilmişdim, ona görə ki, qatığın qara olmadığını vəzifəli adama və onun tabeliyindəkilərə inandıra bilmişdim...
O ki qaldı o hekayəyə...
O uşaq hekayəsi budur...
QUYRUQ DOĞDU
(“Məhsətinin nağılları” silsiləsindən)
Avqustun əvvəlləri idi. Yaylaqda havalar soyumağa başlamışdı. Bir gün bizə qonaq gələn çoban Qələndər dedi:
-Həəə, havalar soyuyur yavaş-yavaş. Quyruq ki, doğdu, yaylaqda, elə aranda da hava sınar, istilər səngiyər...
Çoban gedən kimi Məhsəti yaxamdan yapışdı ki, bəs “quyruq doğdu” nə deməkdir?
Mən nə qədər çalışsam da, onu başa sala bilmədim. Sonra onu dürüst bilgiləndirmək üçün meşəyə yollandım.
Palıd ağacının yarpaqları üzərində qoyun quyruğuna oxşayan, ağ-çəhrayı rəngə çalan qovucuqları qırıb alaçığa döndüm. Sonra Məhsətini yanıma çağırıb dedim:
-Quzum, bax, avqustun əvvəllərində palıd yarpağı üzərində qoyun quyruğuna bənzəyən belə şeylər əmələ gəlir. Bir də səmada bu vaxtlar quyruqlu ulduz görünür. Buna görə “quyruq doğdu” deyirlər. Bir də deyirlər ki, bu günlərdə havalar soyumağa başladığı üçün, dağ yerində quyruq yağı donur. Ona görə bəzi yerlərdə buna “quyruq dondu” deyirlər.
Məhsəti üstü “quyruqlu” palıd yarpaqlarına baxa-baxa dedi:
-Ata, day bəsdi yaylaxda qaldıx, gedək arana, evimizə.
Mən təəccüblə soruşdum:
-Niyə mənim balam, axı aran hələ istidir?
O, başını bulayıb dedi:
-Yox, ata, gedək. Qoyunlarımızın quyruğu donar axı...
- İntim videoları yayılan polkovnikə YOX cavabı verildi
27 sentyabr 2025 10:27
- Azərbaycanda Anım Günüdür: Vətən müharibəsinin başlanmasından 5 il ötür
27 sentyabr 2025 02:32
- Qanuna tüpürdülər, Elmira Axundovanın - SAĞ ƏLİ - olan dələduzu vaxtından əvvəl azad etdilər! – AD GÜNÜ HƏDİYYƏSİ
26 sentyabr 2025 16:19
- Zəfərə aparan yolun 5 ili - Azərbaycanın yeni hədəfi
25 sentyabr 2025 12:50
- Prezident Forum iştirakçılarına müraciət ünvanladı (YENİLƏNİB)
22 sentyabr 2025 21:33
- Naxçıvanda idman müəlliməsi məktəb direktorunu MÖHKƏM DÖYDÜ
20 sentyabr 2025 22:55
- Azərbaycanda Dövlət Suverenliyi Günüdür
20 sentyabr 2025 02:14
- 23 SAATLIQ ANTİTERROR əməliyyatından 2 İL ÖTÜR
19 sentyabr 2025 01:46
- Prezident Avropa İttifaqının Genişlənmə üzrə komissarını qəbul etdi (FOTO)
18 sentyabr 2025 14:31
- İlham Əliyev BƏƏ Prezidentini Füzulidə qarşıladı - Fotolar
16 sentyabr 2025 13:23
- Azərbaycanda dərs rejimi dəyişir? - Dərslər 40, tənəffüslər 10 dəqiqə
27 sentyabr 21:14
- Prezidentin əlindən tutduğu Nilay kimdir ? (FOTO)
27 sentyabr 20:15
- Naxçıvanı və Qarabağı düşmənə verməyən – Həkim səhvi ilə dünyasını dəyişən Nazim Hacıyev
27 sentyabr 14:43
- İlham Əliyev şəhidlərin xatirəsini Gəncədə yad etdi
27 sentyabr 13:27
- Ağsu POLİSİNİN UĞURLARI - Sakinlər rəis Oruc Əmiraslanovdan razılıq edirlər
27 sentyabr 12:18
- Rəsmilər Zəfər abidəsini ziyarət edir - Fotolar
27 sentyabr 10:48
- İntim videoları yayılan polkovnikə YOX cavabı verildi
27 sentyabr 10:27
- Azərbaycanda Anım Günüdür: Vətən müharibəsinin başlanmasından 5 il ötür
27 sentyabr 02:32
- Prezident İlham Əliyev Anım Günü ilə bağlı paylaşım etdi
27 sentyabr 00:41
- Bu da Adnanın lüks avtomobil kolleksiyası - FOTO
27 sentyabr 00:25
- BU GÜN AXC təşkilat şöbəsinin müdiri Arif Abdullayevin QƏTLİNİN 35 İLİDİR...
26 sentyabr 17:37
- Qanuna tüpürdülər, Elmira Axundovanın - SAĞ ƏLİ - olan dələduzu vaxtından əvvəl azad etdilər! – AD GÜNÜ HƏDİYYƏSİ
26 sentyabr 16:19
- Adnan Əhmədzadənin vəkili Şaiq Mirzəyevə...- Bəs, 11 yaşlı qız uşağı NİL-in hüququ..?
26 sentyabr 15:48
- Prezident ailəsinin Nyu-Yorkdan FOTOSU
26 sentyabr 12:12
- Qazi vəfat etdi - Foto
26 sentyabr 11:11
- III MDB Oyunları bu gün başlayır
26 sentyabr 11:03
- Putin Paşinyanla görüşdü
26 sentyabr 10:57
- Azərbaycan Prezidenti İrakli Kobaxidzeyə zəng etdi
26 sentyabr 00:51
- Ağsu Mərkəzi Xəstəxanasının yeni direktoru Gülnarə Muxtarova qısa vaxtda ciddi müsbət dəyişikliklər edib
26 sentyabr 00:45
- ABŞ-də Ərdoğan-Tramp görüşü başladı
25 sentyabr 22:27
- Prezident bu hərbçiləri təltif etdi (SİYAHI)
25 sentyabr 21:57
- Vəkil Şaiq Mirzəyev Mikayıl İsmayılova məxsus Az-Qranata MMC-nin baş direktoru olub
25 sentyabr 14:19
- Adnan Əhmədzadənin Dubayda 67 milyonluq dəbdəbəli mənzili - FOTO
25 sentyabr 13:13
- Zəfərə aparan yolun 5 ili - Azərbaycanın yeni hədəfi
25 sentyabr 12:50
- Paşinyan Rusiyaya getdi
25 sentyabr 12:12
- Ərdoğan bu gün Trampla görüşəcək
25 sentyabr 11:08
- Fəxri Kazımov nə qədər pul qazanıb? - Rəqəmlər
25 sentyabr 10:53
- Prezident və ailə üzvləri Nyu-Yorkda (FOTO)
25 sentyabr 10:47
- Yer kürəsində yaşamış ən böyük heyvanlar - Uzunluğu 30 metr, çəkisi 200 ton
25 sentyabr 01:59
- İmadəddin Nəsiminin qohumları Şamaxıda
24 sentyabr 22:00