Xankəndi separatçıları yeni təxribat hazırlayır - dekabrın 20-22-də...
Oyuncaq rejim “referendum”a gedir; məqsəd “fövqəladə şura” yaradıb Kremlin emissarını ora “sədr” təyin etməkdir - cavabımız nə olacaq?
Qarabağda müvəqqəti yerləşmiş Rusiya “sülhməramlı” kontingentinin çətiri altına sığınan, üstəlik, Fransa kimi qatı ermənipərəst dövlətlərin mənəvi-siyasi dəstəyindən ruhlanan və özlərini cəzasız hiss edən separatçı ünsürlərin Azərbaycan əleyhinə “dövlətcik” oyunu davam edir.
“Yeni Müsavat” xəbər verir ki, cəmi 20 min erməninin yaşadığı “Şeytan yuvası”nda indi də “konstitusiya islahatları”na şıdırğı hazırlıq gedir. Erməni nəşri “Hraparak” bu xüsusda yazıb: “Artsax”da “konstitusiya” ilə bağlı “referendum” keçirməyə tələsirlər. Əvvəlcə “referendum”un gələn ilin yazında təyin edilməsi nəzərdə tutulurdu, lakin son günlərdə vəziyyət dəyişmiş kimi görünür və “konstitusiya referendumu”nun tarixini ilin sonunadək, dekabrın 20-dən dekabrın 22-nə kimi təyin etmək əhval-ruhiyyəsi var".
Qəzet daha sonra qeyd edib: “Dünən (srağagün - red.) ”artsax parlamenti"nin növbədənkənar iclası keçirilib, onun gündəliyində “Ailə Məcəlləsinə əlavələr və dəyişikliklər edilməsi haqqında” və “referendum haqqında” qanuna dəyişikliklər edilməsi haqqında" qanun layihələri olub. Layihə 44 günlük müharibədən sonra Ermənistana köçmüş məcburi köçkünlər və “Artsax” sakinləri üçün referendumda iştirak etmək imkanı verir. Yəqin ki, Ermənistanda vahid seçki məntəqəsi fəaliyyət göstərəcək və o, Ermənistandakı “artsax”ın operativ qərargahında yerləşəcək".
Məlumatlara görə, iclasda “seçki məcəlləsinə dəyişiklik və əlavələrin edilməsi” təşəbbüsü də irəli sürülüb. Nəticədə separatçı anklavda “seçkilər”də səsvermə hüququ “təkcə qeydiyyat yerində deyil, həm də yaşayış yeri üzrə” veriləcək. O halda nə vaxtsa Qarabağda yaşamış, lakin oranı tərk etmiş ermənilər də səsvermədə iştirak edə biləcəklər. Daha bir məkrli hədəf də elə budur: separatçı liderlər “səs verənlərin” sayının Qarabağdakı ermənilərin faktiki sayından qat-qat çox olduğunu iddia edəcəklər.
“Hraparak” onu da bildirir ki, “referendum”dan sonra “artsax”da “parlament” və “prezident” seçkiləri ayrıca keçiriləcək: “Gələn ilin 1-ci yarısında ”parlament", 2024-cü ildə isə “prezident” seçkiləri olacaq".
Əlbəttə ki, Azərbaycan dövləti bu seçki tamaşalarına göz yumsa. Təbii ki, belə şey olmayacaq. Separatçıların ağlı yəqin özlərinə, bir də Rusiya hərbi kontingentinə və Qərbdəki havadarlarına gedib. Ancaq indi 44 günlük müharibədən öncəki dönəm deyil. Bakı özünü yenidən arxayın hiss eləməyə başlamış separatçı-kriminal tör-töküntülərin cilovunu yığmaq, bu qəbildən hoqqalarını önləmək üçün yetərincə resursa malikdir.
Azərbaycan gələn aya planlaşdırılan təxribata qarşı indidən hansı ön tədbirləri görməlidir? Saxta referendumla bağlı rəsmi Bakı Rusiyadan bunu önləməyi tələb eləməlidir, yoxsa özü hərəkətə keçməlidir? Seçki tamaşalarını pozmaq üçün hansı ssenarilər ola bilər?
Pənah Hüseyn
Azərbaycan Xalq Partiyasının (AXP) sədri Pənah Hüseyn TV Musavat-a bildirib ki, Qarabağ ərazisində saxta referendum keçirilməsinə hazırlıq çox ciddi məsələdir: “Buna əhəmiyyətsiz baxa bilmərik, seyrçi qalmalı deyilik. Fransa Senatının qətnaməsi, ABŞ Konqresində baş verənlər, referendum keçirilməsi və bu kimi addımların atılması, Ağdam və Xocalıda mühəndis-istehkam qurğularının tikilməsi gərginliyi artıran hallardır. Əgər bunu Rusiya etmirsə, deməli, bu terrorçu dəstələr zərərsizləşdirilməlidir. Buna Azərbaycanın hüquqi əsasları da var. Ona görə siyasi-hərbi addımların atılmasının vacibliyini qeyd edirəm”.
Təhlükəsizlik məsələləri üzrə ekspert İlham İsmayıl bildirdi ki, separatçı rejim nəzarət etdikləri ərazidə saxta “referendum” keçirib “idarəetmə sistemini” dəyişməyi planlaşdırır. Onun sözlərinə görə, məqsəd qondarma “prezident idarəetmə sistemini” ləğv edib, “fövqəladə şura” yaratmaq və Rusiya tərəfindən göndərilmiş, öyrədilmiş ünsür Ruben Vardanyanı da “fövqəladə şuranın”"sədri" təyin etməkdir: “Belə olan halda qondarma rejimin ”parlamenti" də fəaliyyətini dayandırır və bütün “hakimiyyət” Ruben Vardanyanın, yəni Rusiyanın tam əlinə keçir. Rusiya da iki ildir yerləşdiyi Qarabağ ərazisində nə siyasəti aparıbsa, onu daha da dərinləşdirəcək. Yəni münaqişəyə yekun nöqtənin qoyulması uzanacaq. Müəyyən mənada proses və mövcud səhnə bizim üçün aydındır. Rusiya sülhməramlılarının nəzarət etdiyi ərazidə mövcud status-kvonun “seçki”, “referendum” yolu ilə dəyişdirilməsinin 10 noyabr razılaşmasına zidd olduğunu öncədən qarşı tərəfə bildirməliyik".
Cavanşir Abbaslı
AĞ Partiya başqanının müavini Cavanşir Abbaslı isə təklif edir ki, erməni həyasızlığını daha çox görməmək üçün elə dekabrın 22-nə qədər antiterror əməliyyatı həyata keçirib, onların “referendum arzuları”nı gözlərində qoymaq lazımdır: “Xankəndidə mitinq keçiriləndə bu cür təxribatçı hərəkətlərin davam edəcəyini təxmin etmək olardı. Eyni zamanda, Vardanyan Xankəndiyə gələndən sonra bunun boş plan olmadığını bilirdik. Belə bir ”referendum"un yazda planlaşdırıldığı barədə xəbərlər yayılmışdı. İndi isə məlum olur ki, separatçılar tez-bazar bu şounu həyata keçirmək eşqinə düşüblər. Sanki nəyəsə tələsirlər. Bu da təsadüfi deyil. Çünki proseslərin durmadan sülh sazişinə doğru getdiyini onlar da görməmiş deyil. Paşinyanın artıq sülh sazişini uzatmaq üçün baş vurduğu yollar demək olar ki, tükənib. Sülh sazişi imzalanarsa, hakimiyyətini itirmək qoxusunu tam burnunun ucunda hiss edəcəyini yaxşı bilir"
- Oğluma Ali Baş Komandanın adını verəcəyik - Fotolar
23 aprel 2024 18:36
- NAR Füzulidə yerləşən məktəbə yeni kitablar hədiyyə etdi
23 aprel 2024 18:28
- Zakir Qaralovun əmisi qızı məhkəməyə verildi
22 aprel 2024 21:28
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 2024 11:53
- Avqustda Milli Məclisə seçkilər keçirilə bilər
20 aprel 2024 19:59
- Respublika Pediatriya Mərkəzi yaradıldı - Direktor o oldu+Fotolar
19 aprel 2024 11:42
- Mikayıl Cabbarova yeni müavin təyin edildi - Sərəncam
18 aprel 2024 11:56
- 2300 maaşım idi, ayda 15 min manat paket alırdım - Sabiq nazir
16 aprel 2024 09:45
- Almaniya kansleri - 66 yaşım var, heç vaxt marixuana çəkməmişəm
15 aprel 2024 21:16
- Akademik Zərifə Əliyevanın anım günüdür
15 aprel 2024 20:43
- MM-də iki deputat arasında gərginlik
23 aprel 22:43
- Oğluma Ali Baş Komandanın adını verəcəyik - Fotolar
23 aprel 18:36
- NAR Füzulidə yerləşən məktəbə yeni kitablar hədiyyə etdi
23 aprel 18:28
- Heydər Əliyev əlindən gələni əsirgəmirdi - Putin
23 aprel 08:45
- Zakir Qaralovun əmisi qızı məhkəməyə verildi
22 aprel 21:28
- Məktəb direktoru həmin qadından 300 min alıbmış
22 aprel 21:14
- Abel Məhərrəmov polkovnik-leytenantın torpağını zəbt edib?
22 aprel 18:57
- Əliyev Putinlə görüşdü - Video
22 aprel 18:45
- Qubad İbadoğlu ev dustaqlığına buraxıldı
22 aprel 18:40
- Barəsində məhkəmə istintaqı gedən Gündüz Əliyev kimi bir vəzifə sahibi Sumqayıtda necə ..?
22 aprel 12:48
- Bəraət alan şəxs, Gömrük Komitəsindən milyon yarım təzminat istədi
22 aprel 12:39
- Gürcüstan DTX məktəblərdə mümkün terror aktı ilə bağlı hərəkətə keçdi
22 aprel 11:53
- İki Avropa ölkəsi gizli şəkildə birləşməyə hazırlaşır
22 aprel 10:24
- Ersin Tatar Azərbaycana gəlir
22 aprel 10:13
- Atatürk və Ərdoğanı təhqir edən şəxs həbs olundu
21 aprel 22:31
- Bu ölkə məktəblərdə rus dilinin tədrisindən İMTİNA EDİR
21 aprel 21:14
- SOCAR-ın sabiq vitse prezidenti Mikayıl İsmayılovun oğlu Xətai məhkəməsinə müraciət etdi – 100 min TƏZMİNAT
21 aprel 20:20
- BU BİTKİ ürəyi daim sağlam saxlayır
21 aprel 19:09
- Gündüz Əliyevin adına bağlı BUTA əməliyyatının gizlinləri...
21 aprel 18:53
- 700-dən artıq şagirdi məktəbdə yandıran general – o, Hitlerin başkəsəni olduğunu etiraf edib...
21 aprel 15:49
- Bakının bu ərazisində binalar əyildi – Hərəkətə keçildi - VİDEO
21 aprel 15:41
- Tovuz sakini Lətifə Hüseynova keçmiş vəkil Sevil Hacıyeva barəsində Prezidentə müraciət etdi
21 aprel 14:41
- Kürdə atası ilə batan uşağın meyiti tapıldı
21 aprel 11:37
- İndi çiyələk yeməyin, zəhərlidir - Ekspertdən xəbərdarlıq
20 aprel 20:31
- Bakcell 25 apreldə 100 000 GB kütləvi hədiyyə paylayır!
20 aprel 20:10
- Avqustda Milli Məclisə seçkilər keçirilə bilər
20 aprel 19:59
- İmran Əliyev həbs edildi
19 aprel 20:39
- İlham Əliyev 4 kəndi də qaytardı
19 aprel 20:32
- Əliyevlə Putin Moskvada görüşəcək
19 aprel 20:22
- Kəmaləddin Heydərovdan yüksək vəzifəyə təyinat (FOTO)
19 aprel 12:15