Zelenski zəmanəmizin Çörçilidir... Tramp isə heç də dəli deyil... –Saakaşvili video-müraciət etdi

23 fevral 2025 12:19

Gürcüstanın keçmiş prezidenti Mixail Saakaşvili Ukrayna lideri Vladimir Zelenski ilə ABŞ prezidenti Donald Tramp arasında yaşanan gərginliyə reaksiya verib. Onun sözlərinə görə, ABŞ prezidenti ağıllı adamdır və “heç də dəli deyil”.
 
Moderator.az  bu haqda “UNİAN”-a istinadla xəbər verir. 
 
"Mən prezident Trampı tanıyıram. Bilirəm ki, hazırda onun çıxışları ilə bağlı çoxlu fikirlər var. Deməliyəm ki, o, çox ağıllı insandır və  heç də dəli deyil", - hazırda siyasi motivlərlə həbsdə olan Saakaşvili video-müraciətində qeyd edib.
 
Gürcü siyasətçinin sözlərinə görə, ABŞ prezidentinin öz üslubu və yolu var və həm də həqiqətən Ukraynada müharibəni bitirmək istəyir.
 
“Ancaq digər tərəfdən, zəmanəmizin əsl Çörçili var - Prezident Zelenski”, - Saakaşvili əlavə edib və Kiyev və Vaşinqton arasındakı münasibətləri İkinci Dünya Müharibəsi zamanı Britaniya və ABŞ arasında danışıqların necə aparıldığı ilə müqayisə edib.
 
Gürcüstanın keçmiş prezidenti həmçinin vurğuladı:
 
"Xatırlatmaq istərdim ki, hətta İkinci Dünya Müharibəsi zamanı Çörçill ABŞ-nin o zamankı prezidenti Ruzveltlə əvvəlcə çətin danışıqlar aparmışdı. Və o,(Çörçill - "UNIAN") Ruzvelti anti-Hitler koalisiyasına kömək etməyə inandırmaq üçün təxminən il yarım vaxt sərf etmişdi".
 
O qeyd edib ki, hazırda Ukraynanın metodik dialoqa ehtiyacı var, ona görə də ABŞ ilə əlaqəni davam etdirmək lazımdır.





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1326