Mikayıl İsmayılovun obyektlərində YOXLAMALAR BAŞLADI...

NUH.az-a  daxil olan məlumata görə, Azərbaycan Respublikasının İqtisadiyyat Nazirliyi yanında Dövlət Vergi Xidməti  SOCAR-ın sabiq  vitse-prezidenti Mikayıl İsmayılovun çoxsaylı  obyektlərində yoxlamalara başlayıb.

İlkin məlumata görə, Dövlət  Vergi Xidməti Ağsu Tədris Mərkəzində yoxlama aparıb və qanun pozuntularına görə tədris  müəssisəsi   15 min manat  cərimə olunub.

Məlumat üçün qeyd edək ki, Ağsu Tədris  Mərkəzi  2000-ci ildə fəaliyyətə başlayıb, direktoru  Güvənc Türkmən Mirzəxanovdur.

Onu da  qeyd edək ki,  Ağsu şəhərində hazırda tədris mərkəzi, kurs kimi istifadə olunan  bina Mikayıl  İsmayılovun yeznəsi- bacısının əri  Ərəstunun adınadır, ancaq  Mikayıl İsmayılova məxsusdur. Və həmin bina  Ağsu Tədris  Mərkəzinə   ayda  4000 manata icarəyə verilib. Ərəstun eyni zamanda Mikayıl İsmayılova məxsus Azqranat MMC-nin  direktor  müavinidir.

Binanın  smeta sənədlərinə nəzər salanda məlum olur ki,  binanın  smeta  dəyəri  7 MİLYON  600 MİN manatdır.

Görəsən Ərəstun ( daha doğrusu, Mikayıl İsmayılov ) bu milyonları  necə qazanıb..?

Tədris Mərkəzindən daxil olan məlumata görə, direktor müəllimlərə  deyib ki, qəti narahat olmayın, YOXLAMANI  YOLA  SALDIM..

Bakı  şəhərində  fəaliyyət  göstərən və Mikayıl İsmayılova məxsus  müalicə obyektlərində- klinikalarda da yoxlamaların getdiyi  qeyd olunur. Məsələ ilə bağlı Mikayıl İsmayılova məxsus  mobil nömrələrə zəng etsək də cavab  vermədi.

Araşdırmamız  davam edir, bizi izləyin.

REDAKSİYADAN:

Xəbərdə qeyd olunan məsələ ilə bağlı apardığımız araşdırma zamanı məlum oldu ki, Vergilər Xidməti tərəfindən Ağsu Tədris Mərkəzində  yoxlama aparılsa da hər hansı bir  qanun pozuntusu, vergidən yayınma halı aşkarlanmayıb və tədris müəssisəsinə qarşı hər hansı  bir cəza  tədbiri görülməyib. Yəni yazıda Tədris Mərkəzi ilə bağlı qeyd olunanlar öz təsdiqini tapmadı. Araşdırma zamanı əlaqə saxladığımız  Ağsu sakinləri olan  valideynlər  Tədris Mərkəzinin  rəhbərliyindən, müəllim kollektivindən razı olduqlarını  bildirdilər. Biz də öz redaksiyamız  adından  Ağsu Tədris Mərkəzinin kollektivinə işlərində uğurlar arzu edirik.